Бизнис

(Фото): Синдикатот бара минимална плата од 600 до 700 евра – се закани со протести

ССМ најавува дека нема да чека март за зголемување на минималната плата за 1.600 денари – износ кој, како што велат, е навредлив и недоволен за основните потреби. Велат, ниту еден работник не бил избркан поради покачување на плата, додека секојдневно се соочуваат со раст на цените кој ги надминува нивните примања.

2 минути за читање

Реакции за минималецот на најголемиот Синдикат во Македонија. Потпретседателот на Сојузот на синдикатите на Македонија, Иван Пешевски, остро реагираше на изјавата на министерот за економија Бесар Дурмиши дека зголемувањето на платите може да предизвика откази. Пешевски оцени дека е „несериозно и безобразно“ лица кои земаат плати од три до четири илјади евра да тврдат дека работник не заслужува 500 евра. Според него, ниту еден работник не бил избркан поради покачување на плата, додека секојдневно се соочуваат со раст на цените кој ги надминува нивните примања.

  • „Апсурдно е да одлучуваат луѓе со илјадници евра плата колку може да преживее работник со 400 евра. Инфлацијата не се разгоре поради работничките плати, туку поради 78-те проценти зголемување на платите кај функционерите и избраните лица, додека приватниот сектор се бори да стигне до 500-600 евра со прекувремена работа“, изјави Пешевски.

ССМ најавува дека нема да чека март за зголемување на минималната плата за 1.600 денари – износ кој, како што велат, е навредлив и недоволен за основните потреби.

  • „Како работници нема да го чекаме март за да добиеме милостина од 1.600 денари. Подготвуваме протести и штрајкови на национално ниво, слично како минатата година“, порача Пешевски.

Премиерот Христијан Мицкоски изјави дека разговори за интервентно покачување надвор од законската формула се водат меѓу синдикатите и работодавачите, по што се очекува средба на Економско-социјалниот совет.

Синдикатот спроведе анкета на 1.613 испитаници. Резултатите покажуваат:

  • 42% сметаат дека минималната плата треба да изнесува 700 евра,
  • најголем дел, 99,5%, бараат зголемување до крајот на годинава.

Во моментот, минималната плата е далеку од бараните 500 евра, а следното законско зголемување е најавено за 2026 година – што синдикатите го сметаат за недоволно и задоцнето.

Поврзани теми:

плата|плати|ссм|раст|пари|топ|актуелно|Македонија|работници|протести|економија

Повеќе на оваа тема:

Најнови вести од: Бизнис

Каде во Европа струјата е најскапа, а каде најповолна?! И Македонија е рангирана на листата

Цените на електричната енергија останаа релативно стабилни во повеќето земји, со промени помали од 10% помеѓу првата половина од 2024 и 2025 година. Но, некои земји забележаа значителни движења на нивните национални валути, а Молдавија и Турција се издвоија со зголемување од повеќе од 50%.

На 9 декември ќе се одржи Пленарна седница за Предлот-буџетот за 2026 година

Министерката за финансии, Гордана Димитриевска-Кочоска, изјави дека предлог-буџетот за 2026 година не е само документ со бројки и табели, туку е економска порака за стабилност, доверба и развој, како и јасен доказ за одговорното управување со јавните финансии што го воспоставивме и продолжуваме со полн капацитет.

Кој се ќе плаќа царина за пратките од „Тему“, „Шеин“ или „Али Експрес“?!

По усвојувањето на измените жителите на ЕУ за секоја нарачка од кинеските сајтови за електронска трговија Тему, Шеин или Али Експрес ќе мора да плаќаат царини согласно утврдените царински давачки што важат за сите стоки што се увезуваат во Унијата.

(Видео): Граѓаните да се спокојни, Буџетот за 2026 е одговорно планиран, рече министерката за финансии

В година државата треба да врати долгови во износ од 2 милијарди евра, создадени со крајно неодговорно и, како што нагласи, душманско и неконтролирано трошење во минатото, но увери дека граѓаните треба да бидат спокојни.

Моторот на економијата – градежништвото, пораснало за 9% во споредба со лани, услугите за 6,1%

Крупните капитални проекти се реализираат со одлична динамика, а фокусот во следниот период треба да се стави на малите и средни градежни фирми, вели вицепремиерот и министер за транспорт Николоски. Рече дека директната помош на Владата кон општините изнесува преку 500 милиони евра.

Минималната плата во март ќе се зголеми за околу 2.000 денари

Нема да има интервентно зголемување на минималната плата под притисок на синдикатите, а нема да има ниту празнични потрошувачки кошници или ад- хок мерки за стабилизација на цените и маржите. Министерот за економија Бесар Дурмиши вели минималецот ќе порасне во март, но само онолку колку што законски следува, согласно формулата за пресметка.
Сите вести од Бизнис

Најнови вести

To top