Македонија

„Сила ми даде да ги однесам македонското знаме и име на сите врвови“: Кедев за добиениот орден „8 Септември“

Одликуваниот кардиохирург и алпинист го смета освојувањето на 14. планински врвови над 8.000 м и за национален успех

1 минута за читање

Истакнатиот македонски кардиолог и алпинист Сашко Кедев на свечената церемонија на примањето на орденот „8 Септември“ од претседателката Гордана Силјановска-Давкова откри што го мотивирало да се искачи на 14. планински врвови над 8.000 метри.

„Тоа што ми даде сила беше токму тоа – да ги однесам македонското знаме и македонското име на сите врвови. Тој успех го посветувам на сите граѓани на Македонија и на сите Македонци каде и да се во светот“, рече Кедев.

Тој изрази длабока благодарност за државното одликување, посветувајќи им го на сите колеги со кои пред повеќе од 30 години ја формираа Интервентната кардиохирургија.

„Суштината во животот е да најдеме активност што нема крајна цел, туку чиста мотивација без конкретна цел“, објасни Кедев.

 

Поврзани теми:

орден „8 Септември“|македонско име|топ|Гордана Сиљановска Давкова|Сашко Кедев|македонско знаме

Повеќе на оваа тема:

Најнови вести од: Македонија

(Фото): Орден „8 Септември“ за д-р Сашко Кедев од Претседателката Гордана Сиљановска-Давкова

Претседателката Гордана Сиљановска-Давкова денеска му го врачи Орденот „8-ми Септември“ што му го додели на кардиологот и алпинист Сашко Кедев, а како признание за неговиот долгогодишен професионален и општествен ангажман. Високото државно одликување на д-р Кедев му се доделува за „храбар придонес во конституирањето на самостојна и независна Република Македонија и активното учество во развојот на македонската демократија но и за резултатите што ги постигнал во медицината и алпинизмот.

Скопје ќе блесне во новогодишен сјај – Градот издвои буџет од 70.000 евра за празнично украсување

Градоначалникот Орце Ѓорѓиевски веќе излезе со ветување дека „Скопје ќе блесне во сјајот на Новата година“. Градскиот совет одобри буџет од 70.000 евра – износ што треба да ги покрие и украсите и новогодишната програма.

(Видео): Да му се стави црн печат на Саша Мирковиќ – директорот на „Хајп ТВ“, порача Богдан Илиевски

Инцидентот со турбо-фолк пејачот, настана кога тој беше приведен поради настап без дозвола, а во клубот, МВР кажа дека констатирале неиздавање фискални сметки и надминување на дозволениот број гости во локалот. Ова прерасна во регионална медиумска тема. Истовремено, МВР останува на ставот дека интервенцијата била исклучиво по основ на прекршоци и без политички мотив.

Владата категорично ги отфрла тврдењата на СДСМ за наводна нетранспарентност на ИПАРД-3

Средствата од ИПАРД-3 програмата (2021–2027) во Македонија се привремено суспендирани поради проблеми и сомнежи околу работењето на Агенцијата за финансиска поддршка во земјоделството и руралниот развој, што предизвика прекин на исплатите како превентивна мерка за заштита на европските фондови.

Ивановски: Железничката станица во Скопје ќе се реконструира целосно, за да добие современ лик

„Осовременетата железничка станица ќе претставува архитектонско решение како спој на првичниот изглед од Кензо Танге со додадени нови современи елементи, нова електрична инсталација, комунална инфраструктура и машински дел.“ – изјави Синиша Ивановски, директорот на Јавното претпријатие Железници инфраструктура, во неделното интервју за Радио Слободна Европа.
Сите вести од Македонија

Најнови вести

To top