Македонија

До свидания Никола – Заев на руски му врати на Груевски за обвинувањата дека терал бизнис со Русија

Екс лидерот на СДСМ кој за многумина е партиски шеф ,,во сенка” тврди дека се борел за слободна и демократска Македонија

3 минути за читање

Продолжува јавната преписка меѓу двајцата екс премиери Зоран Заев и Никола Груевски.

Со поздравот ,,До свидания Никола”  Заев на руски му врати на Груевски за обвинувањата дека терал бизнис со Русија.

Во продолжение одговорот на Заев за Груевски кој тој го користи за да се пофали што направил за Македонија која тој со насилство ја преименува а сега воопшто не го користи новото име:

 

 

Никола,

 

Тебе навистина ти е досадно, нели?! Читам денес дека си почнал и да се разубавуваш:) Човеку, ти навистина не знаеш што да правиш со самиот себе.

 

Само да ти кажам, овие твоите те слушаат, гледам дека секојдневно им делиш задачи. Знам, контролата од далечина ти е малку тешка.

 

Можеше да ја одлежиш казната, тоа малку што ти го дадоа, бидејќи да бев јас некој друг и да се мешав во правосудството, ти ќе добиеше многу повеќе. Но, јас не сум како тебе и твоите, јас сепак се борев за слободна и демократска Македонија.

 

Да ја одлежеше тогаш казната и да покажеше достоинство кон народот на Македонија, денес ќе можеше од тука, од Македонија, да зборуваш пред нашата јавност, наместо од бегство да пишуваш епопеи за кои тука се тера мајтап дека никој не може и не сака да ти ги дочита до крај.

 

За разлика од тебе, неуспешниот и поразен “боксер”, ние пред политиката се занимававме со сопствена работа, и тоа успешно. А сега, кога скоро пет години сум во политичка пензија, нема ден да не ме спомнете. Толку ли комплекси сте си натовариле?

 

За разлика од тебе, којшто се капеш во украдените парите на граѓаните на Македонија, јас достоинствено работам и своето време и натаму ќе го трошам на работа, а не на серијали писанија посветени на тебе. Тоа значи дека ова е една од ретките прилики кога го добиваш повторно моето внимание.

 

Затоа, ти предлагам, најди си нешто да работиш. Не мислам да работиш за да заработиш, тоа го имаш оти безобразно и развратно крадеше. Туку мислам на тоа да си најдеш некое хоби, занимација, да ти “годи” додека се разубавуваш. Научи ли гулаш да правиш?:)

 

За крај,

Се надевам и верувам дека ќе дојде денот кога ќе се појавиш во Македонија, а добро знаеш каде ќе треба директно да одиш.

 

За да разбереш:

Јас жеден да сум, Русија капка вода нема да ми даде, а камоли бизнис да ми даде. До свидания Никола !

 

Поздрав од Македонија, полноправна членка на НАТО !

 

Што им порача Груевски на Заев и Филипче на овој ЛИНК

 

Молк од Филипче и Заев откако беа прогласени за проститутки

Поврзани теми:

Груевски|Заев|избор

Повеќе на оваа тема:

Најнови вести од: Македонија

Партенија Зографски, македонскиот црковно-народен и јазичен деец и духовен пастир на македонскиот народ – 150 години од смртта

На денешен ден, на 7 февруари се навршуваат 150 години од смртта на Партенија Зографски, првиот македонски учебникар, филолог, еден од најистакнатите културни и црковни работници од 19 век во Македонија и прв македонски митрополит. Се пројавил и како собирач на народни умотворби и прв почнал да печати македонски народни песни. Во весникот „Ден“ бр. 7, од 14. февруари 1876 година бил објавен некролог за упокојувањето на Партенија Зографски: „По долго боледување, во ноќта меѓу 6 и 7 февруари тој се пресели во вечноста, заслужувајќи го името пастир на народот, затоа што навистина верно му служеше и сите ја познаваа добрината на тој старец… Потекнува од Галичник, и заслужува вечно споменување.“ – стои во текстот. Ова се нагласува во статија на Институтот за македонска литература, посветена на животот и делото на Партенија Зографски.

Македонското знаме се развеа на ЗОИ 26 во Италија: оптимизам во МОК и меѓу нашите олимпијци за добри резултати од настапите

Четворица спортисти ја претставуваат Република Македонија на Зимските олимписки игри 2026 во Италија. Јана Атанасовска е најмладата македонска натпреварувачка и рекордерка во алпско скијање. Ставре Јада е најискусен член на македонскиот олимписки тим, кому ова му е трето учество на Зимски олимписки игри, по настапите на Олимпијадата во 2018 година во Пјонг Чанг, во Јужна Кореја, и на Олимпијадата во 2022 година во Пекинг, во Кина. По настапот на претходната Олимпијада во Пекинг Ана Цветановска повторно ќе ја претставува Македонија во истите нордиски дисциплини. Четвртиот наш натпреварувач е Виктор Петков, кој последен влезе во државниот олимписки тим. Честа да го носат македонското државно знаме на вчерашната официјалната церемонија на отворањето на ЗОИ 2026 ја имаа Атанасовска и Јада.

Во акција на полицијата и ОЈО 40 тони марихуана запленети во складишта! – Мицкоски: Катастрофално наследство од претходната власт!

Околу 40 тони марихуана се запленети во голема полициска акција што се реализираше вчера, според извори блиски до истрагата. Владата го потврди сериозниот карактер на случајот. Премиерот во телевизиско интервју изјави дека јавноста ќе биде шокирана од бројките и дека десетици тони дрога незаконски биле пуштени во промет или сокриени во македонските складишта. „Одговорност ќе има за ваквите злоупотреби и криминални дејствија“, порача премиерот. Тој го оцени случајот како „катастрофално наследство“ од економските политики на претходната власт.

Смилевска: Ковачки е посветен на македонската кауза и несебично ѝ служи на Македонија! – Со Мицкоски ќе бидат одличен тим во градењето на иднината!

„Ја поздравувам државничката одлука на лидерот на ВМРО-ДПМНЕ Христијан Мицкоски за назначувањето на Драган Ковачки како генерален секретар на ВМРО-ДПМНЕ. Мицкоски е лидер, што не калкулира со иднината, туку ја гради со одговорност и визија. Назначувањето на Ковачки е уште една потврда за тоа.“ – објави Христина Смилевска од Унијата на жени на ВМРО ДПМНЕ на својот фејсбук-профил по вчерашното именување на Драган Ковачки, пратеник во Собранието на Република Македонија, како нов генерален секретар на ВМРО ДПМНЕ.
Сите вести од Македонија

Најнови вести

To top