Свет

Маск: Европската унија треба да се укине!

Американскиот милијардер гневен за казната од 120 милиони евра од Унијата за неговата социјална мрежа Икс

Американскиот милијардер Илон Маск повика за укинување на Европската унија, како реакција на казната од 120 килиони евра од Брисел за неговата социјална мрежа Икс поради „кршење на правилата за транспарентност“.

„ЕУ треба да се укине, а суверенитетот да им се врати на поединечните земји, за да можат владите подобро да ги претставуваат своите народи“, напиша Маск на Икс.

Европската комисија оцени дека функцијата на сината значка станала погрешна откако била променета од значка за потврдени корисници во услуга за претплата, додавајќи дека не се нуди доволен увид во базата на податоци за реклами, ниту дека има соодветен пристап до јавни податоци.

Маск реплицира дека казната е налудничава и оти е насочена лично против него, нагласувајќи дека неговиот одговор ќе биде насочен и кон високите функционери кои учествувале во донесувањето на таквата одлука, но не ги откри насоките на неговите постапки.

Американскиот потпретседател Џеј Ди Венс ја нарече одлуката на Европската комисија глупава, а државниот секретар Марко Рубио ја опиша како казна за американскиот народ.

За холандскиот десничар Герт Вилдерс, казната од ЕУ за Маск е тоталитаризам, а поранешниот близок соработник и советник на американскиот претседател Доналд Трамп доби поддршка и од заменик-претседателот на рускиот Совет за безбедност, Дмитриј Медведев.

„Токму така“, прокоментира експретседателот на Русија за повикот од Маск за укинување на ЕУ.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

To top