Бизнис

Трамп одобри извоз на чипови на „Nvidia“ за Кина, но под поволни услови за САД

Американскиот претседател Доналд Трамп денеска изјави дека, под одредени услови, го одобрил извозот на некои чипови од компанијата „Енвидиа“ (Nvidia) за Кина, откако разговарал со кинескиот претседател Си Џинпинг, кој исто така го одобрил чекорот.

2 минути за читање

Американскиот претседател Доналд Трамп денеска изјави дека, под одредени услови, го одобрил извозот на некои чипови од компанијата „Енвидиа“ (Nvidia) за Кина, откако разговарал со кинескиот претседател Си Џинпинг, кој исто така го одобрил чекорот.

Трамп на својата социјална мрежа „Трут Соушл“ напиша дека „Енвидиа“ на американската држава ќе ѝ префрли 25 отсто од прометот од продажбата на овие графички процесори (GPU), кои се многу барани за развој на вештачка интелигенција (ВИ).

Станува збор за чиповите H200 од серијата „Хопер“ (Hopper), додека „Енвидиа“ кон крајот на минатата година лансираше нова, поефикасна серија, наречена „Блеквел“ (Blackwell). Според тоа, не станува збор за најнапредните производи на американската компанија.

Извозот на американски чипови за Кина е предмет на тензии веќе неколку години, при што поранешниот претседател Џо Бајден, а по него и неговиот наследник Доналд Трамп, стравуваа дека тие може да се користат за воени цели.

Од 2022 година, администрацијата на Бајден наметна ограничувања за извозот. „Енвидиа“ се справи со тоа со дизајнирање помалку моќен графички процесор, H20, за да одговори на ограничувањата наметнати од САД, и со тоа да добие пристап до кинескиот пазар.

Во април, Владата на Трамп го забрани извозот на чиповите H20, пред да склучи договор со „Енвидиа“ и повторно да ја дозволи продажбата на овие чипови на Кина, наспроти плаќање провизија од 15 отсто на американската држава.

Кинеските власти, сепак, им наложија на компаниите во земјата да не ги купуваат овие чипови, претпочитајќи да дадат предност на развојот и употребата на кинески еквиваленти.

„Енвидиа“ реализираше само 50 милиони долари промет во Кина во третиот квартал годинава и досега не планираше никакви приходи од тој пазар за тековниот квартал.

Согласно договорите објавени денеска од Трамп, компанијата сега ќе може да ги нуди своите графички процесори на „овластени клиенти“ во Кина.

Од „Енвидиа“ ја поздравија одлуката на американската Влада како наоѓање разумен баланс.  (МИА)

Поврзани теми:

Кина|САД|избор|Доналд Трамп|Си Џинпинг|чипови|Нвидиа

Повеќе на оваа тема:

Најнови вести од: Бизнис

МРТ интервју: Коридорот 8 еден од најголемите инфраструктурни проекти во Македонија, вели проектниот менаџер на „Бехтел и Енка“

Коридорот 8 е еден од најголемите инфраструктурни проекти во државата, со цел поврзување на клучни градови и региони. Активно се работи на делниците „Тетово-Гостивар“, „Гостивар-Букојчани“, „Прилеп-Битола“. Јавниот сервис, МРТ, е првата телевизија која ја возеше оваа траса за време на градежните активности.

Е-фактурата ќе ја намали сивата економија, смета Управата за јавни приходи

Од 1 јануари започнува пилот-фазата на проектот е-фактура, со кој се очекува да се намалат злоупотребите и фиктивните фактури, најавија од УЈП. Велат, системот е усогласен со меѓународни стандарди, лесен за интеграција во компаниите и обезбедува автоматска и безбедна размена на податоци. Пилот-тестирањето ќе се одвива во контролираната средина и ќе опфати ИТ компании и економски оператори со свои системи, а до крајот на првиот квартал ќе биде достапна и апликација за помалите компании.

(Видео): Буџетот за в година е во одлична кондиција, фискалната консолидација и така ќе продолжи во 2026, вели премиеот

Министерката за финансии во своето експозе пред пратениците рече дека проекциите за 2026 година укажуваат на континуитет на економската стабилност и на раст заснован на одговорни фискални политики, инвестиции во инфраструктурата и во човечкиот капитал, како и поттикнување на продуктивноста и на конкурентноста на домашната економија.

Белгиската компанија СЦР „Сибелко“ сака да експлоатира индустриски минерали во Македнија

Во 2024 „Сибелко“ оствари приходи од 2,225 милијарди евра и прикажа добивка од 131 милион евра. Во акционерската структура учествуваат главно неколку богати фамилии од Белгија и разни институционални или индивидуални акционери со многу помали удели. Од глобалните рударски корпорации, во изминатиот период единствено многу поголемиот играч „Англо Американ“ покажа интерес за инвестирање во Македонија и оствари средба со министерката за енергетика, рударство и минерални суровини Сања Божиновска.

За 2026-та ќе има повеќе пари за плати и пензии, но ќе растат и капиталните инвестиции – обезбедени 6,7 милијарди евра

Расправата помина со жестоки меѓусебни обвинувања на релација власт-опозиција. За опозицијата буџетот не е развоен, ниту социјален и е предизборен и нема допирна точка со реалноста. За власта пак буџетот е развоен и европски и носи силен инвестициски циклус и подобар животен стандард за граѓаните.

Собраниска кавга – За опозицијата буџетот не ја отсликува економската реалност, за власта тој е одраз на визија

Пратеникот од ВМРО-ДПМНЕ, Малиша Станковиќ, на седницата на Собранието изјави дека Буџетот за 2026 година е изграден врз реални економски показатели, а проектираните приходи се „целосно остварливи“. Според него, очекуваното зголемување на приходите се должи на подобрената наплата на царини и концесии, како и на засилените активни мерки за вработување, кои бележат рекорден интерес кај граѓаните.

Девизните резерви на Македонија достигнаа 4,86 ​​милијарди евра

Девизните резерви на крајот на ноември годинава изнесувале 4.862,2 милиона евра и во однос на претходниот месец бележат зголемување за 19 милиони евра, соопшти Народната банка. Најголем дел од девизните резерви се пласирани во хартии од вредност (73,9%), по што следуваат монетарното злато (16,4%) и валутите и депозитите (9,7%).
Сите вести од Бизнис

Најнови вести

To top