Македонија

(Видео): СДСМ избира нов тим, нова сила – нова енергија, вели Венко Филипче

Филипче нагласи дека ангажманот во партијата нема да зависи исклучиво од формалните функции, туку ќе се проширува, додавајќи дека СДСМ активно работи на отворање на партијата кон младите, граѓанските организации, видни интелектуалци и политички чинители, со кои заеднички ќе се градат политиките.

2 минути за читање

Претседателот на Социјалдемократскиот сојуз на Македонија, Венко Филипче, во вечерашното интервју во емисијата „360 степени“, најави формирање на нов тим кој ќе ја означи новата сила и новата енергија во работењето на СДСМ. Филипче посочи дека одлуките и изборот ќе се направат на утрешниот Централен одбор на партијата. Говорејќи за процесот на формирање на новиот тим, тој потенцираше дека е клучна рамнотежата меѓу искуството и младоста.

  • „Тоа е тим којшто ќе означува нова сила, нова енергија, комбинација на сегашни, актуелни функционери, на искусни и на млади луѓе и други. Сигурно е дека местото ќе го задржи генералниот секретар Александар Димитријевиќ, еден од потпретседателите ќе биде кандидатот за градоначалник на Аеродром Александар Трајановски, а  утре ќе ги соопштиме и другите имиња на членовите на раководството и на Извршниот одбор“, рече  Филипче.

Притоа, Филипче нагласи дека ангажманот во партијата нема да зависи исклучиво од формалните функции, туку ќе се проширува, додавајќи дека СДСМ активно работи на отворање на партијата кон младите, граѓанските организации, видни интелектуалци и политички чинители, со кои заеднички ќе се градат политиките.

  • „Сите сакаат да придонесат во една многу интензивна партиска работа, која што ќе следи веќе непосредно после новогодишните празници, поради тоа што очигледно е дека демократијата во државата од страна на оваа власт е загрозена“, истакна Филипче.

Целта како што кажа Филипче, е државата да се извлече од сегашната состојба и да се продолжи патот на прогресот и интеграциите. Во однос на програмските определби, Филипче истакна дека програмата на СДСМ е речиси целосно подготвена.

  • „Предвидуваме сериозна поддршка на младите луѓе, даночни олеснувања за млади претприемачи, даночни олеснувања за ИТ секторот и прогресивно оданочување. Мора да има пари за зголемување на платите во сите сектори, вклучувајќи просечната и минималната плата. Мора да има фер зголемување на пензиите, не вака како што ги пљачкаат сега од ВМРО-ДПМНЕ и од ЗНАМ. Им ги кратат парите, таа наша најкритична категорија на граѓани“, посочи Филипче.

Поврзани теми:

ЗНАм|Венко Филипче|СДСМ|ВМРО-ДПМНЕ|реформи|политики|Централен одбор

Повеќе на оваа тема:

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top