Бизнис

Нема расположение за зголемување на минималецот од 1 јануари, рече Трендафилов по седницата на ЕСС

Како во 2022 година, веројатноста е дека и оваа 2026 година во јануари и февруари ќе преземеме конкретни мерки и активности за да се избориме за зголемување на минималната плата, а следствено на тоа да не заборавиме зголемување на сите останати плати, изјави претседателот на ССМ по седницата на Економско-социјалниот совет.

2 минути за читање

Владата и работодавачите нека седнат и нека се договорат за кој износ се подготвени да ја зголемат минималната плата, па нека нè повикаат нас, синдикатите, и нека ни кажат. Ова беше пораката што ја испрати претседателот на Сојузот на синдикати на Македонија, Слободан Трендафилов, по денешната седница на Економско-социјалниот совет на Владата, на која, меѓу другото, стана збор и за растот на минималецот.

Трендафилов вели дека на седницата се дискутирало за потребата од зголемување на минималната плата и се лицитирале износи од 600, 700, 800, па дури и 1 000 евра. Според него, во моментов иако има желба кај сите, не постои расположение за зголемување на минималната плата од 1 јануари, па оттука рече дека македонските работници ќе ја дочекаат Новата година како најсиромашни на Балканот и во Европа.

  • „Од 1 јануари Албанија ќе има 500 евра минимална плата, 430 евра, па од јуни 500 евра во Косово, 550 евра во Србија, да не зборуваме за БиХ – минималната плата таму ќе биде колку просечната плата во Македонија. Ниту тоа не се доволни аргументи за нашите социјални партнери. За жал, претставниците од другите синдикати се неми за борбата за зголемување на платите и дури даваа поддршка на Владата и ја бранеа од дискусијата на претставниците на ССМ. Загрижени сме од ваквата состојба, загрижени се и работниците“, рече Трендафилов.

Уште еднаш ги повика Владата и работодавците да се договорат најбрзо што може за кој износ се подготвени да го зголемат минималецот, а во спротивно најави дека ССМ ќе иницира протести и штрајкови. Во оваа смисла претседателот на ССМ побара поддршка од работниците за следните чекори на Синдикатот бидејќи, како што рече, ако не се слушне јазикот на аргументите, ќе се слушне јазикот на работниците на друго место.

На денешната седница на ЕСС, премиерот Христијан Мицкоски рече дека Владата не е против зголемување на минималната плата, но дека зголемувањето мора да биде резултат на заедничка согласност меѓу работниците и работодавачите, постигната преку социјален дијалог и врз основа на реалните економски можности.

Поврзани теми:

договор|економија|плати|ссм|пари|ЕСС|работодавачи|состанок|влада

Повеќе на оваа тема:

Најнови вести од: Бизнис

Мицкоски: Зголемување на минималната плата преку дијалог, не преку наметнати решенија

Економско-социјалниот совет не донесе одлука за зголемување на минималната плата. Владата тврди дека не е против зголемување, но инсистира тоа да биде економски оправдано. Според актуелните параметри, нема потреба од интервентно зголемување пред редовното усогласување во март.

(Фото): Пробиваме планини за безбеден автопат Охрид-Кичево, вели Николоски

Со засилено темпо продолжуваат да се изведуваат градежните зафати на автопатот Охрид – Кичево. За првпат во Македонија, но и во поширокиот регион, на оваа траса се применуваат напредни градежни решенија за стабилизација на теренот, со цел автопатот целосно да се доизгради и да се стави во функција како безбедно сообраќајно решение.

Дурмиши: Минималната плата ќе се усогласува законски и одржливо

Министерот за економија го презентираше напредокот во подготовката на Оперативниот план за активни програми и мерки за вработување за 2026 година, со вкупен буџет од 2,39 милијарди денари. Фокусот е ставен на младите, на обуките за вештини што ги бара пазарот на труд и на вклучувањето на ранливите категории, особено лицата со ниско или без формално образование.

Премиерот објави инвестиција од 100 милиони евра во енергетиката

Во Владата беа потпишани договори, настан кој има значење и оди многу подалеку од формалниот чин на потпишување на договори. Всушност денес донесовме одлуки коишто ја обликува иднината на државата, ја зајакнуваат нејзината стабилност и ја дефинираат нашата визија за економски развој, безбедност и суверенитет.

Финансиската стабилност на Македонија е зачувана

Макроекономскиот амбиент е поповолен, но и натаму е неизвесен. Трговската неизвесност, геополитичките тензии, нарушувањата во синџирите на снабдување и непредвидливоста во политиките создаваат зголемени ризици за светската економија, а посредно и за домашната економија. Како мала и отворена економија, земјава е чувствителна на надворешни шокови. Сепак, ефектите од овие ризици засега се оценуваат како ограничени, а отпорноста на финансискиот систем на шокови е значително зајакната.

Со годишниот план за 2025-та инвестиции од околу 1,4 милијарди евра, рече министерката за енергетика

За 2026 година до Министерството се пристигнати барања за изградба на енергетски капацитети со вкупно 10.950 мегавати моќност од кои 1.697 мегавати ветерни централи, 4.758 мегавати фотоволтаици, една гасна централа од 21 мегават и една гасна когенеративна централа. Има барања и за 2.573 мегавати самостојни складишта, како и за 1.405 мегавати интегрирани складишта.

Нема енергетска криза – државата има резерви од мазут, вели министерката Божиновска

Државата има резерви од мазут, нема да има енергетска криза, децидна е министерката за енергетика, Сања Божиновска, откако беше прашана што ќе се случи по барањето на АД ЕСМ државата да прогласи енергетска криза за да може компанијата да користи околу 11 илјади тони мазут од државните резерви за потребите на термоцентралите.
Сите вести од Бизнис

Најнови вести

To top