Бизнис

Исплатени близу 5,5 милиони евра субвенции за сточарите

Корисниците на кои не им се исплатени субвенции за 2023 година трреба да се обратат до Агенцијата за финансиска поддршка во земјоделството и руралниот развој, со цел да се изврши детална проверка и разгледување на секој поединечен случај, соопшти Министерството за земјоделство.

1 минута за читање

Министерството за земјоделство, шумарство и водостопанство соопшти дека е реализирана исплата на субвенции во вкупен износ од 335.963.096 денари (влизу 5,5 милиони евра) кон 1.211 сточари, согласно Програмата за финансиска поддршка во земјоделството за 2024 година. Од Министерство за земјоделство, шумарство и водостопанство информираат дека исплатата е дел од континуираните активности за навремена поддршка на земјоделскиот сектор и стабилизирање на сточарското производство.

Во врска со корисниците на кои сè уште не им се исплатени средства по основ на субвенции за 2023 година, од Министерството појаснуваат дека е неопходно тие да се обратат до Агенција за финансиска поддршка во земјоделството и руралниот развој, каде што ќе се изврши детална проверка и индивидуално разгледување на секој поединечен случај.

Од МЗШВ најавуваат дека и во наредниот период ќе продолжат со активностите насочени кон унапредување на земјоделството и навремена финансиска поддршка за земјоделците низ целата држава.

Поврзани теми:

земјоделство|поддршка|субвенции|сточарство|МЗШВ|сточари|фармери

Повеќе на оваа тема:

Најнови вести од: Бизнис

Мицкоски: Зголемување на минималната плата преку дијалог, не преку наметнати решенија

Економско-социјалниот совет не донесе одлука за зголемување на минималната плата. Владата тврди дека не е против зголемување, но инсистира тоа да биде економски оправдано. Според актуелните параметри, нема потреба од интервентно зголемување пред редовното усогласување во март.

(Фото): Пробиваме планини за безбеден автопат Охрид-Кичево, вели Николоски

Со засилено темпо продолжуваат да се изведуваат градежните зафати на автопатот Охрид – Кичево. За првпат во Македонија, но и во поширокиот регион, на оваа траса се применуваат напредни градежни решенија за стабилизација на теренот, со цел автопатот целосно да се доизгради и да се стави во функција како безбедно сообраќајно решение.

Дурмиши: Минималната плата ќе се усогласува законски и одржливо

Министерот за економија го презентираше напредокот во подготовката на Оперативниот план за активни програми и мерки за вработување за 2026 година, со вкупен буџет од 2,39 милијарди денари. Фокусот е ставен на младите, на обуките за вештини што ги бара пазарот на труд и на вклучувањето на ранливите категории, особено лицата со ниско или без формално образование.

Премиерот објави инвестиција од 100 милиони евра во енергетиката

Во Владата беа потпишани договори, настан кој има значење и оди многу подалеку од формалниот чин на потпишување на договори. Всушност денес донесовме одлуки коишто ја обликува иднината на државата, ја зајакнуваат нејзината стабилност и ја дефинираат нашата визија за економски развој, безбедност и суверенитет.

Финансиската стабилност на Македонија е зачувана

Макроекономскиот амбиент е поповолен, но и натаму е неизвесен. Трговската неизвесност, геополитичките тензии, нарушувањата во синџирите на снабдување и непредвидливоста во политиките создаваат зголемени ризици за светската економија, а посредно и за домашната економија. Како мала и отворена економија, земјава е чувствителна на надворешни шокови. Сепак, ефектите од овие ризици засега се оценуваат како ограничени, а отпорноста на финансискиот систем на шокови е значително зајакната.

Со годишниот план за 2025-та инвестиции од околу 1,4 милијарди евра, рече министерката за енергетика

За 2026 година до Министерството се пристигнати барања за изградба на енергетски капацитети со вкупно 10.950 мегавати моќност од кои 1.697 мегавати ветерни централи, 4.758 мегавати фотоволтаици, една гасна централа од 21 мегават и една гасна когенеративна централа. Има барања и за 2.573 мегавати самостојни складишта, како и за 1.405 мегавати интегрирани складишта.

Нема расположение за зголемување на минималецот од 1 јануари, рече Трендафилов по седницата на ЕСС

Како во 2022 година, веројатноста е дека и оваа 2026 година во јануари и февруари ќе преземеме конкретни мерки и активности за да се избориме за зголемување на минималната плата, а следствено на тоа да не заборавиме зголемување на сите останати плати, изјави претседателот на ССМ по седницата на Економско-социјалниот совет.
Сите вести од Бизнис

Најнови вести

To top