Бизнис

Русија заработила 216 милијарди долари од почетокот на војната во Украина од растот на цената на златото

Профитот од зголемената вредност на руските златни резерви ги компензира поголемиот дел од загубите од замрзнувањето на средствата со санкциите

1 минута за читање

Русија заработила 216 милијарди долари од зголемувањето на цените на златото од почетокот на „специјалната воена операција“, како што Москва ја нарекува инвазијата во Украина, објави „Блумберг“.

„Русија профитираше масивно од наглиот раст на цените на златото од почетокот на војната во Украина, достигнувајќи големина споредлива со замрзнатите суверени резерви во Европа“, се наведува во написот.

Според публикацијата, профитот од зголемувањето на цената на благородниот метал ги компензира поголемиот дел од загубите од замрзнувањето на средствата.

„Иако хартиите од вредност и готовината блокирани во Европа не можат да се продаваат или да се заложуваат, златото сè уште може да се монетизира ако е потребно“, забележува агенцијата.

Русија е петта во светот според количеството златни резерви, проценето меѓу 2.330 и 2.335 тони кон крајот на декември и во почетокот на јануари.

По изјавата на американскиот претседател Доналд Трамп дека нема намера да го преземе Гренланд со воена сила, цената на златото на светските берзи достигна нов историски рекорд од 4.900 долари за унца (31,1 грам).

Поврзани теми:

Украина|војна|Русија|злато|блумберг

Повеќе на оваа тема:

Најнови вести од: Бизнис

Македонија лани беше во првите пет во Европа на растот на БДП, во време на СДСМ бевме последни, рече премиерот

Претседателот на Владата Христијан Мицкоски во интервју за ТВ Ора 24, зборувајќи за изградбата на коридорите 8 и 10Д и за другите инвестиции и во релација со економијата посочи на факти за раст на БДП, според кои и 2024 и 2025 година Македонија е во првите 5 во Европа според растот на БДП, за разлика од минатата влада кога Македонија по овој параметар беше последна во регионот.

Азески на состанок на Советодавниот одбор на Економскиот факултет при Универзитетот во Љубљана

Азески, како член на Советодавниот одбор, тело составено од истакнати бизнис-лидери, експерти и професори, зеде активно учество во дискусијата на денешниот состанок  посветена на  долгорочната стратегија на институцијата и предизвиците околу наставните методи на учење во новата ера кога интензивно се користи вештачката интелигенција, која треба паметно да се искористи во насока на унапредување, а не на уназадување на аналитичкото и критичкото размислување на младите генерации дипломци и постдипломци.

Колку работниците ќе излезат на улица на толку ќе им ги зголемат платите, велат од ССМ

Сите патишта водат кон Скопје, рече претседателот на Сојуз на синдикати на Македонија, Слободан Трендафило и ги повика работниците од целата држава да се приклучат на протест во Скопје за повисоки плати и подобар работнички стандард. Големиот работнички протест, како што рече почнува во 12:05 минути пред зградата на ССМ, а барањата остануваат исти – минимална плата од 600 евра и зголемување на сите работнички плати за 6.000 денари.

ТИТАН Усје: Продолжувањето на А–интегрираната еколошка дозвола се одвива согласно законот и во соработка со надлежните институции

При подготовката на апликацијата за продолжување на дозволата, компанијата во целост ги следи обврските и условите што произлегуваат од законските и подзаконските акти и соработува со сите надлежните институции

Нафта скокна над 100 долари за барел, се стравува од нов шок

Цената на нафтата од ноќеска повторно се искачи над 100 долари за барел, неколку дена откако го достигнаа максимумот. Од бизнис еснафот стравуваат од можни ценовни шокови, односно ако кризата продолжи, тоа ќе влијае врз глобалните залихи на гориво.

Глобалната недела на парите 2026 година: „Разговори за паметно управување со парите“

Глобалната недела на парите традиционално се одбележува преку предавања за различни возрасни групи, објавување едукативни материјали од областа на финансиите на интернет-страниците, одржување работилници со физичко присуство или онлајн, како и објавување едукативни содржини на социјалните мрежи.
Сите вести од Бизнис

Најнови вести

To top