Во Црна Гора, 8,7 проценти од населението живее во домаќинства каде што трошоците за домување сочинуваат повеќе од 40 проценти од расположливиот приход. Ова ја става земјата на деветтото место меѓу 34-те европски земји вклучени во прегледот на „Еуроњуз бизнис“, врз основа на податоците од Евростат.
Стапката на Црна Гора е за еден процентен поен над просекот на Европската Унија од 7,7 oтсто, прикажан во таа анализа. Сепак, постои важна разлика: податоците за Црна Гора се однесуваат на 2024 година, додека повеќето земји се претставени со податоци за 2025 година.
Грција, Швајцарија, Данска, Норвешка, Германија, Шведска, Турција и Естонија имаат поголем удел на жители оптоварени со трошоци за домување од Црна Гора.
Србија бележи стапка од 7,9 отсто, Северна Македонија 5,6 отсто, Словенија 3,5 отсто, Хрватска 3,2 отсто и Албанија 2,6 отсто. Податоците за Северна Македонија, како и за Црна Гора, се однесуваат на 2024 година.
Грција е на врвот на листата со 26,4 отсто, додека Кипар има најмал удел – 2,4 отсто.
Во овој индикатор, Евростат ги вклучува киријата или каматата за станбен кредит, трошоците за вода, електрична енергија, гас и греење, како и осигурувањето, одржувањето, поправките и поврзаните даноци. Отплатата на главницата на станбениот кредит не е вклучена.