Македонија

Тачи шокиран од „политичката проституција на Ахмети“, бара да си замине од политиката

Лидерот на ДПА со нов жесток напад врз првиот човек на ДУИ, „лисица на која ѝ гори опашката“ и кој „лаже дека му ветиле избори“

1 минута за читање

Лидерот на Демократската партија на Албанците (ДПА), Мендух Тачи, без да бира зборови ја коментира изјавата на претседателот на ДУИ, Али Ахмети, според која уште лани се договориле со ВМРО-ДПМНЕ предвремени избори, што од владејачката партија експресно беше демантирано.

„Шокиран сум од политичката проституција на Али Ахмети. Тој го моли Христијан Мицкоски да го земе во Владата. Ахмети е ракот на албанската политика во Македонија, сега со Зијадин и со Таравари. Овој врескач, оваа лисица на која ѝ гори опашката и чие име е Али Ахмети, треба да си замине од политиката“, рече Тачи.

Тој изјави дека нема надеж за ДУИ, и покрај желбата на Ахмети за предвремени парламентарни избори.

„Нема избори. Али лаже. Никој ништо не му ветил, мисли дека ќе има надеж за ДУИ, но повеќе нема надеж“, категоричен е Тачи, кој минатата есен се „раздружи“ со тогашниот „Европски фронт“ предводен од интегративците, изјавувајќи дека се покајал што воопшто влегол во него.

 

Поврзани теми:

Мендух Тачи|предвремени избори|ДУИ|ДПА|али ахмети

Повеќе на оваа тема:

Најнови вести од: Македонија

Димитриеска-Кочоска: Состојбата со енергенсите во моментот е стабилна, ако има потреба ќе интервенираме

Во однос на критиките од опозицијата дека Владата доцни со мерките, министерката за финансии посочи дека состојбите сега се сосема различни од оние во 2022 година

Ифтарска вечера организирана од Владата, за Мицкоски момент на заедништво, почит и духовна поврзаност

Премиерот Христијан Мицкоски преку Фејсбук објава извести дека вечерва Владата организирала ифтарска вечера, која ја означи како момент на заедништво, почит и духовна поврзаност

(Фото): Катни гаражи, кружен тек, инвестиции во Скопје – градската каса потешка за 166 милиони денари

Советот на Град Скопје на денешната седница го усвои ребалансот на буџетот со кој се зголемуваат средствата за дополнителни 166 милиони денари, наменети за нови капитални инвестиции во градот. Според скопскиот градоначалник, Орце Ѓорѓиевски, овие средства се обезбедени како резултат на подобрата наплата и се резултат на домаќинско и одговорно работење, без ново задолжување

Дури 11 пријави за семејно насилство за само еден ден – што им се врти во умот на сторителите?!

Полицијата интервенирала во повеќе градови по серија пријави за семејно насилство и закани меѓу роднини и партнери. Четири лица биле приведени, двајца биле повикани на службен разговор, а за сите 11 случаи се преземаат мерки и ќе следуваат соодветни пријави. Полицијата соопшти дека се преземаат мерки за расчистување на сите случаи. По целосното документирање, против сторителите ќе бидат поднесени соодветни пријави.

Кому му сметаат лекарите: Над 70% од нив се соочиле со напади на работното место

Закани, навреди, а некогаш и физички напади – нешто повеќе од 70% од лекарите во земјава се соочиле со насилство на работното место. Лекарската комора бара брза разрешница на секој инцидент. Оттаму реагираат на бавното инситутиционално постапување, што ги обесхрабрува лекарите да пријавуваат.

Извршителот „побрз“ од општина Струга: бара наплата на 93 илјади евра долг со камати од 2016, ја блокирал продажбата на „аудито“ на Мерко!

Поради извршна постапка за стар долг на Општина Струга оневозможена е постапката за продажба на службениот автомобил Ауди А6, кој требаше да биде ставен на аукција на 16 март 2026 година со почетна цена од околу 22 илјади евра, а парите да бидат потрошени за купување комби-возило за потреби на спортските клубови и Центарот за деца со посебни потреби, соопшти денес општина Струга.
Сите вести од Македонија

Најнови вести

To top