Македонија

МИА: Град Скопје започна постапка за присилна наплата на данок на имот за 2021 година

„Град Скопје започна со постапката за присилна наплата на неплатениот данок на имот за 2021 година, поради тоа што значителен број даночни обврзници и покрај јавниот повик не ги подмириле своите обврски, соопштија од градот.“ – објави Македонската информативна агенција – МИА.

2 минути за читање

Градот Скопје на 9 декември 2025 година упати јавен повик до сите даночни и таксени обврзници, правни и физички лица, кои имаат неплатени обврски по основ на данок на имот, данок на промет, наследство и подарок, како и комунална такса-фирмарина за изминатите години, да ги подмират своите долгови во најкраток можен рок.

Заклучно со 23 јануари 2026 година, вкупно 830 даночни обврзници ги подмирија заостанати обврски во износ од 20.107.103 денари кон Градот Скопје. Со оглед на тоа што значителен број обврзници и понатаму не ги имаат подмирено своите долгови, Градот Скопје известува дека од 26 јануари 2026 година започна постапка за присилна наплата на данок на имот за 2021 година.

Во рамки на постапката утврдено е дека 37.655 физички лица и 1.926 правни лица не го подмириле долгот по основ на данок на имот за 2021 година, во вкупна вредност од 148, 5 милиони денари. 

За 16.372 даночни обврзници, се изготвени и доставени Решенија за забрана на средства до деловните банки, додека преостанатите 23.209 решенија ќе бидат доставени до крајот на оваа недела, со цел обезбедување наплата на неплатените обврски.

Град Скопје ги повикува сите граѓани и компании кои сè уште не ги подмириле своите обврски по основ на даноците на имот и комунални такси, тоа да го сторат во најкраток можен рок, бидејќи присилната наплата ќе продолжи кон сите даночни должници кои имаат долг спрема Градот Скопје.

Увид во состојбата на сопствениот даночен долг може да се направи преку електронскиот портал на Град Скопје: https://danoci.skopje.gov.mk/gskopje/root/public/login.xhtml, каде што е овозможено и електронско плаќање. Подмирувањето на овие давачки претставува законска обврска и неопходен предуслов за нормално функционирање и развој на градот.

„Изразуваме благодарност до сите граѓани и правни лица кои навремено ги подмируваат своите даночни обврски и со тоа придонесуваат за побрз развој, поквалитетни услуги и подобар град за сите.“ – соопшти Градот Скопје, дополнувајќи дека останува посветен на транспарентност, отчетност и создавање подобри услови за сите жители во главниот град, објави МИА

Поврзани теми:

актуелно|Град Скопје|Македонска информативна агенција- МИА|присилна наплата на данок на имот за 2021

Повеќе на оваа тема:

Најнови вести од: Македонија

Срцето на СУГЦ „Никола Карев денес плаче: Нашите деца сонуваа за иднината, нивните животи згаснаа прерано

„Нашите деца, кои до пред некоја година чекореа по ходниците, седеа во училишните клупи и сонуваа за иднината….тешко е да се поверува дека нивните животи згаснаа прерано“ – пишува во објавата на СУГЦ „Никола Карев“. Од своите трагично загинати матуранти Марко Ѓорѓиевски, Петар Миланов и Адам Велков, кои ги загубија животите во страотната сообраќајка на скопската обиколница, трогателно се прости гимназијата „Никола Карев“, каде тие пред две години матурирале.

Напредува во Брисел предлогот на Мерц за забрзана интеграција и на Западниот Балкан во ЕУ! Отвора ли ова можен „поширок прозорец на можности“ за Македонија?!

Eвропската комисијата денеска потврди дека го примила писмото од германскиот канцелар Фридрих Мерц, во кое предлага забрзана интеграција на Западен Балкан и Молдавија, како и придружно членство за Украина.

Сиљановска Давкова: Претпочитам полноправно членство во ЕУ, но треба да се видат алтернативите и на кого се однесуваат

Претседателката на Република Македонија Гордана Сиљановска Давкова во врска со иницијативата на германскиот канцелар Мерц за забрзување на пристапувањњето на Украина и земјите од Западен Балкан во ЕУ истакна дека претпочита полноправно членство. Но, како што таа изјави, „ако се рече дека нема веќе полноправно членство, а треба некако да бидеме во контакт, или во кондиција, или во соработка, може да се разговара и да се види што значи тоа“.

Андоновски: Државата се справи со софистициран сајбер напад врз дигиталната инфраструктура

Министерот за дигитална трансформација, Стефан Андоновски, во гостувањето во емисијата „Ноќно студио“ на 4ТВ, соопшти дека изминатиот викенд државната дигитална инфраструктура била цел на сериозен и софистициран сајбер напад.

Oткриени неправилности кај некои откупувачи на овошје и зеленчук

Комисијата за заштита на конкуренцијата продолжува со теренските инспекциски надзори за спроведување на новиот Закон за забрана на нелојални трговски практики. При инспекциските надзори во неколку центри за собирање овошје и зеленчук, констатирани се голем број прекршувања во односите меѓу купувачите и земјоделците.
Сите вести од Македонија

Најнови вести

To top