Градоначалникот на Скопје, Орце Ѓорѓиевски синоќа во објава на Фејсбук порача дека нема вработувања во Град Скопје и дека немало да дозволи ниту еден денар од буџетот на скопјани да биде злоупотребен.
„Јавно побарав од сите советници да гласаат против одлуката од минатото за вработување на 21 лице, одлука што директно би го чинела градот 1,4 милиони евра.
Ѓорѓиевски дециден дека повеќе нема место за оваа наследната пракса за партиски вработувања во Град Скопје која, како што вели, е на штета на граѓаните.
„Тоа се пари на граѓаните, средства со кои можеме да изградиме кружни текови, да обезбедиме нови автобуси и да реализираме проекти што носат реална корист за Скопје“, истакна Ѓорѓиевски.
Вели дека кога го презеле градот во финансиски колапс, со одговорно и домаќинско работење успеале повторно да го исправат на нозе.
„И затоа, партиските апетити немаат место во Град Скопје. На градскиот буџет гледам како на сопствениот“, додаде градоначалникот.