Потоа нивните љубопитни очи се вперија кон јарболот на којшто постојното, беше заменето со ново државно знаме.
Церемонијата заврши со интонирање на македонската химна од Воениот оркестар, кое беше проследено од детскиот хор.
Во рамки на посетата дечињата ја разгледаа свечената сала со двата импозантни мозаика на академик Глигор Чемерски, „Македонија-светла земја“ и „Македонија-земјата памети“.
Претседателката на Република Македонија Гордана Сиљановска-Давкова изрази радост за присуството на најмладите посетители и одговараше на бројните прашања, меѓу кои и: кои ѝ биле омилените книги на нивна возраст?
Дали ѝ недостигаат студентите? Сонувала и посакувала ли некогаш да стане претседателка? Какви карактеристики треба да поседува еден лидер? Како се одвива еден нејзин работен ден и колку долго трае? Дали ги помни омилените наставници?
Шефицата на македонската држава, во својство на поранешна ученичка, ги именуваше саканите учители, истакнувајќи дека имале огромно влијание врз нејзината љубов кон учењето.
На крајот Сиљановска-Давкова им порача дека вреди да се учи и дека нема подобар влог во иднината, од оној во знаењето.