Бизнис

Нема субвенции за сите земјоделци, се заоструваат правилата – Министерството го стега „каишот“

Земјоделците се загрижени по најавата на министерот за земјоделство, шумарство и водостопанство, Цветан Трипуновски, дека во новата програма е предвидена и минимална површина од 0,5 хектари како услов за остварување право на финансиска поддршка. Тој најави засилени контроли во текот на оваа година, со цел државните средства да завршуваат кај земјоделците што реално придонесуваат за економијата и за развојот на руралните средини.

2 минути за читање

Повисок долен праг, како услов за субвенционирање во сточарството, полјоделството, градинарството, лозарството и пчеларството предвидува Програмата за финансиска поддршка на земјоделството за 2026 година во износ од 6.061.345.000 денари, или 98,5 милиони евра. Програмата ја претстави министерот за земјоделство Цветан Трипуновски, кој потенцираше дека заострените услови се со цел парите да отидат кај вистинските земјоделсци кои имаат комерцијално производство и создаваат додадена вредност. Во таа насока, рече министерот, е новиот услов – најмалку 30 отсто од произведеното да се предаде во откупен центар, или кај преработувачи.

  • Сакам да ги отфрлам обвинувањата од опозицијата и сите кои се обидуваат да ја коментираат програмата за 2026 година дека нема кратење во делот на субвенциите туку има дополнителни условувања во делот на производството во делот кој треба да го постигнеме на едно повисоко ниво, сите овие почетни реформи се да дадеме еден правец каде ќе се движи Македонија во наредниот период. Постојат категории на луѓе не би ги нарекол земјоделци кои се обиделе да го злоупотребат системот и да користат земјоделски субвенции затоа повторувам со новите капацитети кои ќе бидат ставени на располагање на платежната агенција, конторлите на терен ќе се елиминираат сите оние кои ќе закаат да печалат на грбот на државата и да земаат субвенции а да не учествуваат во земјоделскиот процес.

Министерот Цветан Трипуновски ја претстави програмата за субвенционирање за 2026 годинава. Се заоструваат условите за субвенционирање, а целта е да им се помогне на вистинските земјоделци кои имаат комерцијално производство, рече министерот. Тој укажа и на бројни злоупотреби, особено во сточарството.

  • Да се зголеми продукцијата на храна и субвенциите да имаат ефект е целта на реформите во земјоделството, кои почнаа уште минатата година. Нелогично е да имаме милиони евра поддршка, а да бележиме пад на производството. Се покачуваат минималните критериуми за користење субвенции зашто сакаме да ги стимулираме вистинските активни земјоделци. Кај нив треба да дојде поддршката – подвлече Трипуновски.

Осврнувајќи се на планираните промени, кои допрва ќе се спроведуваат, министерот нагласи една од нив – дека со новата програма за поддршка нема да се субвенционира пченицата ако не се користи сертифициран семенски материјал. Земјоделците, пак, сметаат дека треба да се смени условот според кој за добивање субвенции, земјоделците треба да имаат минимум 5 декари засадени со една култура.

Во меѓувреме, од земјоделство најавиија дека државата најверојатно ќе ги поддржи проектите од ИПАРД кои веќе се одобрени, а потоа средствата ќе се компензираат со европски пари.

 

Поврзани теми:

топ|земјоделство|Цветан Трипуновски|субвенции

Повеќе на оваа тема:

Најнови вести од: Бизнис

Ристески пред средбата со трговците и дистрибутерите: Нема да толерираме профитирање на грбот на граѓаните

Заменик-министерот за економија и труд информира дека на средбата со производителите, трговците и дистрибутерите, меѓу другото, ќе бидат презентирани анализите на ДПИ во однос на движењето на цените на основните прехранбени производи. Во овој контекст, повтори тој, нема да се толерира некоректно однесување.

Синдикалната минимална кошница за јуни тежи 68.654 денари

Вредноста на синдикалната минимална кошница за јуни 2026 година изнесува 68.654 денари, што е намалување за 88 денари во споредба со мај, кога за покривање на основните месечни трошоци на едно домаќинство биле потребни 68.742 денари.

Азески: Позитивен пресврт во дипломатијата – нашето претставништво во Брисел мора да е точка од која ќе тргнат промените

Ако членството во Унијата ни е целта кон која се движиме, нашето претставништво во центарот на ЕУ мора да биде точката од која ќе тргнат промените. Добро опремено, финансиски поддржано и подготвено за најголемите предизвици – да ја оставиме зад себе уравниловката и со пример да покажеме дека лидерството е врзано со целта и со темелните вредности, а тие, пак, со парите на граѓаните и со нивното добро.

Претседателот на Стопанската комора Бранко Азески на средба во Еurochambres во Брисел

Соговорниците се согласија дека стопанските комори имаат значајна улога во поддршката на реформските процеси, јакнењето на конкурентноста на компаниите и во продлабочувањето на економската соработка меѓу Европската Унија и земјите кандидати за членство.

„H&M“ на големо затвора продавници – Клуч на вратите за уште 170 дуќани низ цел свет до крај на 2026

Шведската модна компанија „Ејч енд ем“ (H&M) објави во својот полугодишен извештај дека ќе затвори 170 продавници ширум целиот свет оваа година за да го приспособи своето работење на моментните пазарни услови.
Сите вести од Бизнис

Најнови вести

To top