Според извештаите во САД, нападот се чини дека е инцидент на семејно насилство, при што Дорган ги имал како цел членовите на сопственото семејство. На интернет беа споделени ужасни снимки од хокеари кои очајно се обидуваат да избегаат од лизгалиштето. Шефицата на полицијата на Потакет Тина Гонкалвес им изјави на новинарите дека пукањето се чини дека е резултат на семеен спор.
„Четири члена на семејството се застрелани, вклучувајќи едно мало девојче, како и еден семеен пријател пред напаѓачот да го насочи пиштолот кон себе, Го идентификувавме осомничениот, Роберт Дорган. Се претставува под името Роберта и го користи презимето Еспозито.“ – соопшти полицијата.
Се верува дека убиецот е родител на еден од хокеарите. Осомничениот отворил оган врз сопругата и нивните три деца пред да го насочи пиштолот кон себе. Едно младо девојче починало на лице место, додека друго починало во болница подоцна во понеделник. Маж кој бил присутен на местото на нападот го одзел пиштолот од раката на напаѓачот, но убиецот брзо извадил друго оружје и продолжил со пукање. Само една ноќ пред масакрот, тој на антитранс објава на социјалните мрежи одговорил: „Продолжете да нè напаѓате. Но, не прашувајте се зошто полудуваме“.