Македонија

Панчевски со кривична против членовите на Советот на јавни обвинители

Со искористување на својата службена положба и со пречекорување на границите на своето службено овластување, постапиле спротивно на член 62 став 1 алинеја 1 од Законот за јавно обвинителство при разгледување на неговата пријава и утврдување на посебниот услов, вели тој

2 минути за читање

Откако не доби позитивно мислење од Советот на јавни обвинители, кандидатот за државен јавен обвинител Владимир Панчевски,најави дека ќе поднесе кривична пријава против членовите на Советот на јавни обвинители за злоупотреба на службена положба.

Сепак на прашање на „Слободен печат“ кога ќе ја поднесе кривичната пријава Панчевски вели:

„Поднесена е! Мислам во време на информатичка технологија илузорно е да зборуваме за хартиена форма. Јас кажав што имам да кажам, институциите на системот по допрен глас треба да се самоуапсат!“ На дополнително прашање дали мисли на таа кривична пријава што ја објави на неговиот фејсбук- статус, тој дополнува „Во ера на електронски комуникации и широки овластувања на Министерството за внатрешни работи и Јавно обвинителство сметам дека прашањето ви е неумесно“, додава тој.

Обвинителка со сопруг осуден за организиран криминал од Панчевски ,,му пресудила” на судијата во трката за јавен обвинител

Во објава на социјалните мрежи тој образлага:

„Врз основа на чл.272 од Законот за Кривична постапка до МВР и Јавното обвинителство на РМ, по пат на допрен глас, јас Владимир Панчевски од Скопје, поднесувам, КРИВИЧНА ПРИЈАВА против:
1. Башким Бесими од Тетово, претседател на Советот на јавни обвинители
2. Марјана Илиеска од Прилеп, заменик претседател на Советот на јавни обвинители
3. Јелена Догазанска Колева од Скопје, член на Советот на јавни обвинители
4. Зорица Павловиќ од Скопје, член на Советот на јавни обвинители
5. Ермон Незири член на Советот на јавни обвинители
6. Кети Петкова член на Советот на јавни обвинители
7. Светлана Стојковиќ член на Советот на јавни обвинители
8. Душица Димитриеска член на Советот на јавни обвинители
9. Ардиан Демири член на Советот на јавни обвинители
10. Фатих Алиу член на Советот на јавни обвинители
За кривично дело Злоупотреба на службена положба и овластување од член 353 ст.1 вв со чл. 22 од Кривичниот законик“, објави Панчевски на Фејсбук.

Тој појаснува дека тие со искористување на својата службена положба и со пречекорување на границите на своето службено овластување, постапиле спротивно на член 62 став 1 алинеја 1 од Законот за јавно обвинителство при разгледување на неговата пријава и утврдување на посебниот услов.

Поврзани теми:

кривична|панчевски|мислење|избор|совет на јавни обвинители

Повеќе на оваа тема:

Најнови вести од: Македонија

Јанкуловски: Македонија веќе не молчи пред понижувањата од Бугарија околу македонскиот идентитет и јазик, туку бара почит од неа и ЕУ!

„Понижувањето што го трпиме од соседна Бугарија не е само последица на конфликтот околу нашиот идентитет, јазик и култура. Тоа е тактика во дипломатијата. Но, соочени со очекувањето на нови понижувања и свесни дека тие ќе продолжат, новата власт во Македонија бара почит и достоинство во односите со другите држави, и, секако, со Европската Унија. И, замислете, Македонија веќе не молчи пред понижувањата.“ – нагласува универзитетскиот професор д-р Звонимир Јанкуловски во својата колумна со наслов „Понижување и срам – време за достоинство“, која ја објави информативната агенција „Нетпрес“.

Панов: На оспорувањата на македонската историја не одговараме со зборови, туку со историски документи и проверливи факти

Институтот за национална историја денеска ги промовираше резултатите од проектот проектот „Извори за историјата на Македонија – тематска целина религија“. Оваа колективна монографија е замислена како долгорочен макропроект, структуриран во повеќе тематски целини, насочени кон прибирање и критично проучување на историската граѓа за Македонија, проширување на документарната основа и отворање нови истражувачки прашања. Ова го објави „МКД.мк.“
Сите вести од Македонија

Најнови вести

To top