Македонија

Стојаноски: Со над 40 амандмани ги заштитивме зголемувањата на платите, факти кои денес ССМ ги премолчува!

„Денес повторно сме должни да ја кажеме вистината. Истите тие кои денес зборуваат за недостиг од социјален дијалог, ги потсетуваме на јануари 2024 година, кога тогашната влада на СДС и ДУИ поднесе пакет закони со кои сакаше суштински да ја смени методологијата за пресметката на платите.“ – нагласи пратеникот од ВМРО ДПМНЕ Бојан Стојановски во денешното обраќање до јавноста.

2 минути за читање

Натаму Стојановски истакнува: Со тие законски измени се предвидуваше минималната плата повеќе да не биде дел од формулата за пресметка на платите на административните службеници и покрај тоа што истото беше дел од колективниот договор, кој тогаш го потпишаа ССМ и владата на СДС! Тоа ќе значеше дека секое идно зголемување на минималната плата нема автоматски да се одразува врз останатите плати во јавниот сектор. Или да кажеме појасно – прекин на линеарниот раст и слабеење на заштитниот механизам за работниците.

Дополнително, последните измени на текстот тогаш не беа ставени ниту на ЕНЕР. Синдикатите тогаш јасно посочија дека првпат се запознале со предлог-законот од веб-страницата на Собранието. Немаше вистинска јавна расправа. Немаше суштински социјален дијалог преку Економско-социјалниот совет. Кој реагираше тогаш ? Тогашното раководство на ССМ дојде во Собранието. Заедно со нас, како тогаш опозициска ВМРО-ДПМНЕ, поднесовме амандмани и го спречивме донесувањето на тој закон.

Не дозволивме минималната плата да биде исфрлена од формулата. Не дозволивме платите да станат одвоени од реалниот раст на минималната плата. Токму затоа денеска платите растат секогаш кога расте минималната плата. Тоа е факт. Тогаш поднесовме над 40 амандмани! Еден од тие суштински амандмани беше токму предлог на ССМ – минималната плата и понатаму да биде дел од пресметката, со што линеарно би се зголемувале и другите примања. Ние и сега сме доследни.

Затоа прашањето денес е едноставно: зошто се премолчува што се случуваше во 2024 година? Зошто денес Трендафилов не го кажува тоа? Зошто не се кажува дека токму со заедничка акција го заштитивме принципот минималната плата да остане основа за пресметка? Ние тогаш не дозволивме набрзина, со европско знаменце и скратена постапка, да се протне решение што ќе ги чини работниците. Денес, како власт, продолжуваме да го почитуваме истиот принцип – системски, институционално и со јасни правила.

Разликата е очигледна. Кога сме во опозиција – спречуваме штета. Кога сме на власт – обезбедуваме системски раст. Работниците заслужуваат стабилност, предвидливост и целосна вистина. Не селективна меморија, не дневна политика.

Поврзани теми:

ВМРО-ДПМНЕ|СДС|ссм|зголемување плати

Повеќе на оваа тема:

Најнови вести од: Македонија

Тошковски за донацијата од САД за бомбашкиот оддел на МВР: стратегиското партнерство ја јакне безбедноста на Македонија!

Министерот за внатрешни работи Панче Тошковски денеска во кругот на министерството присуствуваше на предавање на опрема, обезбедена во соработка со американската амбасада во Македонија и програмата АТА. Се работи за донација за опрема за потребите на Единицата за откривање и демонтирање експлозивни средства и направи во Секторот за борба против тероризам, насилен екстремизам и радикализам при Одделот за сузбивање  организиран и сериозен криминал.

Вчера уапсени шестмина, возеле без возачка дозвола, со активна забрана и под дејство на алкохол!

Во текот на вчерашниот ден, полицијата на целата територија на Македонија лиши од слобода шест возачи, од кои четири за возење без возачка дозвола, еден со забрана за управување возило од Б категорија и еден под дејство на алкохол.

Притвор од 48 часа за А.И. и Д.С. осомничени за петте тони марихуана, запленети во Србија

Како резултат на преземените дејства и анализата на прибраните информации и докази, постојат основи на сомнение дека двајцата преземале активности поврзани со запленетите 5 тони марихуана во Србија. Поради тоа јавниот обвинител достави образложен предлог за определување краткотраен притвор, соопшти Основното јавно обвинителство за гонење организиран криминал и корупција.

Гоце Наумовски е нов уставен судија – европскиот правен авторитет ќе внесе европски стандарди во Уставниот суд!

По изборот Наумовски даде свечена изјава дека функцијата ќе ја извршува совесно и во согласност со Уставот и законите. Влегувањето на европскиот правен авторитет Наумовски во Уставниот суд е сигнал за насочување кон стручноста, интегритетот и европските стандарди во работата на оваа највисока судска институција во Република Македонија, но и како и чекор кон понатамошно зајакнување на довербата во уставно-судската заштита.

(Фото): Што е проблемот со автобусите во Скопје

Податоците не нудат толкување, туку факти, но нивната комбинација покажува јасна слика: бројот на патници континуирано опаѓа, приходите остануваат релативно стабилни, значителен дел од нив доаѓа од субвенции, а финансиските резултати зависат од начинот на евидентирање на трошоците. Ова упатува на систем што формално функционира, но со многу намален опсег на користење и со ограничена финансиска самостојност.

Мицкоски: Рамката за договорот со САД е силна порака дека Македонија е нивниот партнер во регионот!

Усогласената заедничка изјава и рамката за договор за заемна, правична и врамнотежена трговија со САД е силна порака кој е најсилниот нивен партнер во регионот, а тоа е нашата Македонија – изјави премиерот Христијан Мицкоски одговарајќи на новинарски прашања што ќе значи за македонската трговија можниот договор со САД за намалување на царините.

Димитриевски: Вршиме притисок врз Брисел за промена на мерките за превозниците

„Во координација со сите земји кандидати за членство во Европската Унија од Западен Балкан веќе подолг период сме организирани да вршиме притисок во Брисел за да се променат мерките што ги засегаат транспортерите. На 11 февруари беа изнесени 50-тина предлози, но сѐ уште нема разбирање од земјите членки. Работата не е завршена.“ – изјави денеска заменик-министерот за надворешни работи Зоран Димитриевски.
Сите вести од Македонија

Најнови вести

To top