Македонија

Пратениците дадоа „зелено светло“ за намалување на функционерските плати, нема да се зголемат за 200 евра

Пратениците дадоа светло по скратена постапка да се носат пакетот законски измени за пресметка на платите на избрани и именувани лица, поднесени од ВМРО-ДПМНЕ. Но, Здружението на обвинители и судиите бараат од народните избраници да се повлече од дневен ред законската корекција со која се предлага измена на коефициентите.

2 минути за читање

Пратениците во македонското Собрание ја изгласаа потребата од носење на законски измени за намалување на функционерските плати до 13.000 денари преку намалување на коефициентите за пресметка на платите, но не ги поддржаа измените на Законот за минимална плата со кои се бараше зголемување на минималната плата на 600 евра.

Со законските измени нема да има ниту намалување ниту зголемување на нивните плати. Платите на пратениците и на сите овие функционери, именувани и избрани лица се усогласуваат во февруари. Почетната основа е просечната бруто-плата во претходната година. Таа во 2025 година била 67.951 денари, а во 2024 година била 61.984 денари. Потоа, платите се множат со соодветни коефициенти, кои сега со законските измени се менуваат. Пресметките покажуваат дека со изменетите коефициенти, износите за платите остануваат речиси идентични (со отстапки од по десетици или стотина денари).

Пратениците дадоа зелено светло за намалување на функционерските плати. Шесте закони со кои примањата на избраните и именуваните лица ќе се скратат од 10 до 13 илјади денари по скратена постапка го поминаа првиот филтер, а вечерва се очекува и конечно гласање. Со пониски плати ќе останат пратениците, судиите, обвинителите, директорите и градоначалниците.

И покрај намалениот коефициент, поради повисоката просечна плата, дел од министрите ќе добиваат и нешто повисоки примања, околу 122 илјади денари, наместо досегашните 118. Функционерските плати пред неколку години пораснаа за 78 проценти по укинувањето на замрзнатиот коефициент, што тогаш предизвика силни реакции во јавноста.

Поврзани теми:

топ|градоначалник|министер|функционери|плати|пратеници|намалување|коефициенти

Повеќе на оваа тема:

Најнови вести од: Македонија

Собранието го усвои Законот за игри на среќа – 500 метри оддалеченост од училишта и строги правила за реклами

Со овој Закон е воведувањето задолжителна одалеченост од 500 метри помеѓу објектите на среќа и училиштата, како и регулирањето на давањето подароци, т.н „giveaway“ активности.

В среда последно збогум за Владо Јаневски

Јаневски беше првиот македонски претставник на Изборот за песна на Евровизија во 1998 година со песната „Не зори зоро“, а во текот на кариерата доби бројни признанија, меѓу кои и наградата за трајни музички вредности на годинашното издание на „Златна бубамара на популарноста“.

(Видео): Основната потрошувачка кошничка во Македонија е најевтина во Европа, рече премиерот

Премиерот Христијан Мицкоски изјави дека најновите податоци на Евростат, според кои основната потрошувачка кошничка во Македонија е најевтина во Европа, ги демантираат критиките дека државата не бележи напредок.

Сиљановска-Давкова-Будрис: Проширувањето на ЕУ ќе биде врвен приоритет за време на литванското претседавање со Советот на ЕУ

Претседателката на Република Македонија Гордана Сиљановска-Давкова денеска го прими министерот за надворешни работи на Република Литванија, Кестутис Будрис, кој е во официјална посета на државата.Соговорниците го поздравија отворањето на дипломатското претставништво на Литванија во Скопје, како и одлуката на македонската Влада за отворање амбасада во Вилнус, очекувајќи засилен политички дијалог, поголема економска и културна соработка, како и подобри севкупни односи меѓу двете држави.

Собранието го донесе Законот за игри на среќа и за забавни игри – да бидат оддалечени 500 метри од училиштата

Собранието денеска во рамки на 109. седница ги донесе одлуката за измена на Одлуката за одобрување на продолжување на рокот за постоење на кризна состојба на дел од територијата на Македонија, Законот за игрите на среќа и за забавните игри, а Христина Софронијоска беше избрана за нова заменичка на генералната секретарка на законодавниот дом. Законот за игрите на среќа и за забавните игри беше донесен со 60 „за“, а 20 „против“.

Ристовски: За две години реализирани и започнати 60 спортски проекти вредни над 21 милион евра – спортот повторно е национален приоритет

Министерот за спорт Борко Ристовски денеска на прес-конференција во Владата даде отчет за сработеното во изминатите две години од формирањето на Министерството за спорт, презентирајќи ги реализираните активности, капиталните инвестиции во спортската инфраструктура и проектите што ќе се реализираат во наредниот период. Toj истакна дека Министерството за спорт за само две години реализира и започна 60 спортски проекти, со вкупна вредност од повеќе од 21 милион евра, за разлика од претходната власт која за четири години реализираше само 33 спортски проекти и нагласи дека Владата повторно го поставува спортот меѓу националните приоритети.
Сите вести од Македонија

Најнови вести

To top