Натаму албанските медиуми известуваат: Партиите постигнаа согласност Вреди да има два претседатела, Изет Меџити, досегашен лидер на Демократското движење, и Билал Касами, досегашен лидер на Беса, потоа да има два потпретседатела, независниот пратеник Илир Демири и официјалниот претставник на кoсовската партија Ветвендосје (Самоопределување) за Македонија Беким Ќоку, а генерален секретар на Вреди како Партија да биде Беким Сали, кој е вицепремиер и министер за европски прашања.
Според Касами, Илир Демири формално ќе се приклучи на пратеничката група, а се работи на натамошно проширување на бројот на пратеници. „Независниот пратеник Илир Демири веќе е дел од коалицијата Вреди. Наскоро и тој ќе биде дел од оваа политичка групација што е во Владата и во Собранието. Од моментот кога ќе се разјасни Вреди како политичка структура, како политичка партија, ќе имаме и други очекувања, бидејќи сме во разговори и со други пратеници…“ – изјави Билал Касами.
При конкретизацијата на Вреди како партија ќе се преформулираат и заедничката политичка програма и структурите: во Собранието на Вреди секоја досегашна поодделна партија ќе има 20 осто од членовите. Вреди наскоро ќе има нов портпарол, кој ќе биде дел и од други партиски форуми, каде што ќе се дискутираат важни теми, објавија ТВ Алсат и Илирија-ИНА.