Денеска во Кочани започнавме со реализација три големи проекти во вредност од околу 3,5 милиони евра, кои што ќе значат многу за градот и за целата општина, изјави денеска вицепремиерот и министер за транспорт Александар Николоски.
-Драго ми е што денеска сме во Кочани за да започнеме три големи проекти кои што ќе значат многу за градот, за целата општина. почнуваме со реализација на влезниот булевар кој што е некаде проценета вредност од околу 2 милиони евра и очекуваме во наредната година и половина да биде завршен, понатака мост на Kочанска река со вредност од некаде 350 илјади евра и она што долго време се очекуваше, проект кој што е започнат уште во 2013-та година, довршување на водоводот со изведба на еден потисен цевковод кој што треба да овозможи чиста вода за пиење за поголем дел од градот која што е во вредност од еден милион и 100 илјади евра, при што исто така очекувам да биде завршен, истакна Николоски.
Николоски очекува овие три проекти, во соработка со општината да бидат завршени со предвидената динамика.
-На тоа се работат уште три проекти кои што одат исто така со заем од Светска банка преку Министерството за транспорт. Два се веќе завршени, еден се работи во вкупна вредност се околу 550.000 евра, кога ќе се собере се заедно доаѓа една инвестиција од околу 4 милиони евра кои што се дополнителни средства на оние средства кои што редовно ги добиваат општините како поддршка. Таа поддршка беше 250 милиони евра за минатата година и 100 милиони евра за предходната година. Во рамките на таа поддршка веќе се работи другиот булевар во вредност од некаде околу милион и половина и таму интензивно одат активностите со кога ќе се собере се зборуваме за вредност од 5,5 милиони евра средства кои што се инвестираат само во инфраструктура, што се надеваме дека целосно ќе го промени ликот на градот и на општината и остануваме посветени и во следниот период да работиме заедно со општината, појасни вицепремиерот.
-На дневна основа сме во координација и сакам да се заблагодарам на градоначалникот и сакам да се заблагодарам лично на председателот на Владата, на премиерот Мицкоски за тоа што на дневна основа Кочани е приоритет и така и ќе остане во следниот период, изјави министерот и вицепремиер Николоски.