Уште еден авион со македонски граѓани од Блискиот Исток, со лет на „Флај Дубаи“, вечерва слета на аеродромот во Скопје.
Станува збор за 147 патници, 119 од нив државјани на Македонија, сите од Обединетите Арапски Емирати.
„Многу добра организација. Голема благодарност до Владата“, рече еден од евакуираните пред камерата на ТВ Сител.
Ова е петти и засега последен лет со македонски државјани организиран од Министерството за надворешни работи. Со него досега се превезени вкупно 605 патници од регионот во кој беснее војна меѓу САД и Израел од една страна и Иран од друга.