Македонија

Штип: Лишени од слобода три лица, одземено возило, изречени 40 санкции

Акциска контрола на Мобилната единица за безбедност на сообраќајот на патиштата во Штип

Денеска (19.03.2026 година) во периодот од 07:00 до 13:00 часот, Мобилната единица за безбедност на сообраќајот на патиштата при Секторот за сообраќајни работи спроведе акциска контрола на подрачјето на град Штип со цел санкционирање на возачи кои не ги почитуваат сообраќајните правила и прописи, соопштија од МВР.

При контролата изречени се вкупно 40 мерки за сторени сообраќајни прекршоци. Од нив три за измината важност на сообраќајната дозвола, една мерка за управување на моторно возило со неисправни светлосно сигнални уреди, една мерка за возач почетник, шест мерки за товарни моторни возила во однос на претовар на товар, вонреден превоз и некористење на церада, три мерки за непоседување на задолжителна опрема во возило, две мерки за некористење на сигурносен појас, пет мерки за користење на мобилен телефон, една мерка за некористење за заштитен шлем и шест мерки за останати прекршоци. Поднесени се и девет барања за поведување на прекршочна постапка за правни и одговорни лица.

Три лица се лишени од слобода за сторено кривично дело по член 297-а од Кривичниот законик – „безобѕирно управување со моторно возило“, односно без возачка дозвола.

За сите сторители изготвени се соодветни поднесоци.  Сообраќајните контроли продолжуваат и во наредниот период.
Апелираме до сите учесници во сообраќајот доследно да ги почитуваат сообраќајните правила и прописи.
Само со одговорно однесување можеме заеднички да придонесеме за побезбедни патишта.

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

To top