Бизнис

Поради зголемената неизвесност на Блискиот Исток: Народна банка реши каматна стапка да остане непроменета

Народната банка нагласува дека надворешните ризици се особено изразени поради неизвесноста околу интензитетот и времетраењето на конфликтот на Блискиот Исток.

2 минути за читање

На редовната седница на Извршниот одбор на Народната банка на Република Македонија, одржана на 24 март 2026 година, одлучено е основната каматна стапка да остане непроменета на нивото од 4 отсто.

Одлуката е донесена во услови на значително зголемена глобална неизвесност предизвикана од воениот конфликт на Блискиот Исток, кој веќе доведе до нарушување на снабдувањето со нафта и раст на цените на енергентите. Народната банка оценува дека евентуалното продолжување или проширување на конфликтот би можело да предизвика подолготрајни нарушувања на пазарот на енергенти, повисока инфлација и полоши економски изгледи.

На аукцијата на благајнички записи која ќе се одржи утре (25 март), понудата ќе изнесува 36 милијарди денари, а понудата на наредните аукции ќе се прилагодува согласно промените во ликвидносната позиција на банкарскиот систем.

Народната банка посочува дека досегашните измени во задолжителната резерва, макропрудентните мерки и одлуките за управување со системските ризици обезбедуваат дополнителна поддршка за претпазливата монетарна политика.

Клучни оцени за домашната економија:

  • Инфлацијата продолжува да забавува и во февруари изнесува 2,9% на годишно ниво.
  • Базичната инфлација забележува значително забавување и е послаба од очекувањата.
  • Девизните резерви на крајот на февруари изнесуваат 5.558 милиони евра и се оценуваат како соодветни за одржување на стабилноста на курсот на денарот.
  • Економскиот раст во 2025 година изнесувал 3,5%, а во последниот квартал од минатата година 3,8%, главно под влијание на домашната инвестициска активност и солидниот извоз.

Народната банка нагласува дека надворешните ризици се особено изразени поради неизвесноста околу интензитетот и времетраењето на конфликтот на Блискиот Исток. Во домашното окружување, главен фактор за идниот раст ќе бидат обемот и динамиката на реализација на инфраструктурните проекти.

„Народната банка внимателно ги следи сите случувања и редовно ги оценува ризиците. Таа е подготвена да ги искористи сите расположливи инструменти за одржување на стабилноста на девизниот курс на денарот во однос на еврото и за обезбедување на ценовната стабилност на среден рок“, се вели во соопштението.

Поврзани теми:

актуелно|инфлација|Народна банка на Македонија|каматна стапка|девизни резерви

Повеќе на оваа тема:

Најнови вести од: Бизнис

Дебата: Како Македонија ја издржува кризата и обезбеди раст на економијата?!

Глобалната економија и понатаму е под голем притисок. Геополитичките тензии, високите цени на енергијата, проблемите во глобалната трговија и поскапото финансирање оставаат последици и врз земјите од Западен Балкан, а со тоа го стеснуваат и просторот на владите за реакција кога ќе дојде нова криза, рече министерката за финансии, и порача дека државата мора навреме да си создаде простор за маневрирање, наместо да го бара дури кога ќе избувне кризата.

Ако не потпишат нов договор, корисниците мора да се иселат – Нов рок за откуп на државните станови

Право да поднесат барање за докуп на станот, промена на сопственоста, како и за закуп имаат граѓаните кои живеат во објекти доделени од државата по разни основи, како што се експропријација на имот, уривање на станбени згради или поради тоа што нивните претходни домови биле руинирани и склони кон паѓање. Тие треба да имаат договор за времено користење на станот потпишан пред 16 мај 1998 година.

Успешниот домашен модел ја зацврстува регионалната експертиза: ЕОС Матрих се проширува во Косово

По успешното позиционирање на секундарниот финансиски пазар во Македонија и долгогодишното искуство во управувањето со побарувања и откупот на портфолија, ЕОС Матрих го прави следниот чекор во регионалната експанзија со обновување на активностите на пазарот во Косово. Проширувањето на активностите следува по усвојувањето на новиот Закон за банки на Косово, со кој се креираа услови за примена на современи методи и експертиза за управување со побарувања и откуп на портфолија од нефункционални кредити.

До 80 години отплата и животно осигурување на трошок на банката – нов кредитен пакет за пензионери од АЛТА банка

Со можност за отплата до 80 години старост и ризико животно осигурување целосно на трошок на банката, АЛТА банка отвора повеќе простор за личните планови, избори и финансиска сигурност на пензионерите преку новата платформа „ЗА ВАС.“

Божиновска за грчки “Енерџи Гејм”: Македонија станува клучна гасна раскрсница на Балканот

Енергетски центар за снабдување на Југоисточна Европа е новата улога што министерката Сања Божиновска ја најавува за Македонија по приклучувањето кон Вертикалниот коридор. Договорот беше потпишан на 4 септември во Солун, но патот од политички меморандум до гасна раскрсница зависи од изградбата на две клучни врски со Грција и Србија.

ММФ отвора центар за техничка помош за земјите од Западен Балкан и Молдавија

Меѓународниот монетарен фонд ќе отвори нов центар за техничка помош во Рим, наменет за земјите од Западен Балкан и Молдавија, со цел да им помогне во спроведувањето на реформите и зајакнувањето на институционалните капацитети во процесот на пристапување кон Европската Унија. Директорката на ММФ, Кристалина Георгиева, оцени дека проширувањето на ЕУ повторно се наоѓа високо […]
Сите вести од Бизнис

Најнови вести

To top