Спорт

Македонија издржа едно полувреме во Копенхаген

Избраниците на дебитантот на македонската клупа Седлоски загубија со 4:0 од Данска во баражот за Светското првенство

Сонот за прв настап на светските првенства македонските фудбалери ќе продолжат да го сонуваат и по баражот со Данска во Копенхаген, кадешто загубија со 4:0, откако во првото полувреме немаше голови.

Дебито на Гоце Седлоски на клупата на репрезентацијата на Македонија помина во целосна доминација на домашните играчи на распродадениот стадион „Паркен“, кадешто играта на „црвено-жолтите“ буквално се распадна по подарок-голот за Микел Дамсгорд во 49. минута по несмасната реакција на македонските дефанзивци пред голот на Столе Димитриевски.

Шокот по примениот гол резултираше со уште два набрзина за Данците, и двата за Густав Исаксен во 58 и 59 минута, а Кристијан Норгорд во 76. минута само го потврди прецизниот удар на Кристијан Ериксен од корнер.

Покрај Седлоски, деби за Македонија запишаа и Колумбиецот со македонски пасош Себастијан Ерера, како и „Американецот“ Дени Мусовски.

 

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

Најнови вести

To top