„Европскиот континент поминува низ огромна криза.“ – рече словачкиот премиер, укажувајќи: „Укинувањето на ветото ќе биде почеток на крајот на ЕУ, почеток на крајот на оваа значајна меѓународна организација, што никој од нас не го посакува. Ако изнесува некој вакви предлози, тогаш тој покажува неспособност за постигнување компромиси.“ – посочи Фицо.
„Укинувањето на правото на вето ќе претставува и отворено кршење на сите принципи, врз кои се темелат договорите на ЕУ. Не можете да го отстраните правото на вето на земјите-членки и да донесете одлука со квалификувано мнозинство.“ – посочи Фицо. „Тоа значи дека 27 земји-членки доаѓаат на состанок на Советот, а големите земји им велат на малите: ‘Така ќе биде’. Тогаш зошто воопшто треба да бидеме таму? Укинувањето на правото на вето е почеток на крајот на Европската Унија.“ – дополни словачкиот премиер.
Тој предупреди дека „иднината на Европската Унија не изгледа розева“ и го повика евроблокот да се справи, како што рече, со „прашањето како функционира гласањето со квалификувано мнозинство“.
Фицо изрази „особена загриженост“ во врска со изјавата во таа смисла на претседателката на ЕК, Урсула фон дер Лаен, која, според него, „веднаш, по објавувањето на резултатите од изборите во Унгарија повторно го отвори прашањето за укинување на правото на вето во прашањата за надворешна политика“.
Фицо кажа и дека Словачка ќе го изнесе овој случај во Судот на правдата на Европската Унија. Унгарија веќе поднесе слична жалба, но останува нејасно дали следната влада под водство на Петер Маѓар ќе ја задржи таа позиција.