Според Манасиевски, генералниот секретар на СДСМ, Александар Саша Димитријевиќ, во текот на изминатата недела остварил средба во Македонија со Бранко Ружиќ, поранешен министер за образование во Србија и потпретседател на Социјалистичката партија на Србија. На средбата, како што тврди Манасиевски, се разговарало за можна соработка и заеднички настап меѓу СДСМ и дел од српската опозиција, со цел формирање поширок опозициски фронт.
Посочи дека Ружиќ претходно бил суспендиран од својата партија поради несогласувања со владините политики во Србија, додавајќи дека ваквите контакти отвораат прашања за улогата на СДСМ во регионалните политички процеси.
Манасиевски истакна дека зад овие активности, според нивните информации, стојат поранешниот премиер Зоран Заев и советникот за надворешни односи Зоран Башановиќ. „Наместо да се насочат на македонските граѓани и да бидат конструктивна опозиција, тие работат на политички проекти во други држави.“, изјави Манасиевски.
Од ВМРО-ДПМНЕ упатија критика дека ваквите активности придонесуваат за, како што велат, намалување на политичкото влијание на СДСМ во земјата, оценувајќи дека партијата се оддалечува од домашните приоритети.