Македонија

Креативен ден Битола 2026: Преполна сала, млади таленти и моден спектакл инспириран од филмот (ВИДЕО)

Во преполната сала на Домот на културата во Битола, вчера се одржа петтиот „Креативен ден 2026“ – настан кој уште еднаш потврди дека младите креативци, модата и образованието можат да создадат вистински спектакл.

2 минути за читање

Во преполната сала на Домот на културата во Битола, вчера се одржа петтиот „Креативен ден 2026“ – настан кој уште еднаш потврди дека младите креативци, модата и образованието можат да создадат вистински спектакл.

Во целосна и беспрекорна организација на Продукција Божиловиќ и професорките од текстилната струка при СОУ „Таки Даскало“ – Битола, настанот собра 9 средни училишта од повеќе градови низ државата, меѓу кои Скопје, Битола, Богданци, Штип, Виница и други, обединувајќи ученици, млади дизајнери, професори и љубители на модата на едно место.

Покрај низата инспиративни предавања што за учениците и професорите ги реализираа Катерина Златановска Попова, претседателка на МАТА Скопје, како и модните дизајнери Никола Ефтимов и Стефанија Насеска Поподинец, централно место зазеде модната ревија на која учениците од текстилните училишта се претставија со свои оригинални креации инспирирани од овогодинешната тема – ФИЛМ.

Целиот настан беше реализиран на исклучително професионално ниво, а за впечатливиот сценски изглед на учесниците се погрижија професионални фризери и шминкери, дополнително подигнувајќи го нивото на ревијата.

За првпат беа доделени и специјални награди за посебен придонес во промоцијата на модата, како и благодарници за наставниците-ментори, кои со својата стручност и посветеност беа клучен дел од процесот на создавање.

„Креативен ден 2026“ не беше само моден настан, туку силна порака дека младите во Македонија имаат талент, визија и потенцијал што заслужува простор, поддршка и видливост. Ваквите иницијативи треба да добиваат уште поголема институционална поддршка, бидејќи претставуваат реална можност младите да ја изразат својата креативност, да се инспирираат, да стекнат самодоверба и да ја градат својата кариера и иднина токму тука – во Македонија.

Во време кога младите често ја бараат својата шанса надвор од државата, настани како „Креативен ден“ покажуваат дека вложувањето во нивниот талент, образование и креативна индустрија може да биде важен чекор кон создавање генерации што ќе останат, ќе создаваат и ќе придонесуваат дома.

 

 

Поврзани теми:

моден спекталк|актуелно|битола|креативен ден|Креативен ден Битола 2026

Повеќе на оваа тема:

Најнови вести од: Македонија

Деца под 13 години користеле фејсбук и инстаграм, ЕК најавува построги мерки

Европската комисија соопшти дека технолошката компанија „Мета“ ги прекршила правилата на Европската унија бидејќи не успеала ефикасно да спречи деца помлади од 13 години да користат профили на Фејсбук и Инстаграм. Станува збор за прелиминарни наоди од истрага што траела речиси две години, во рамки на европските напори за посилна заштита на малолетниците на интернет.

(Видео): 3,3 милијарди евра во наредните 5 години за сериозни капитални проекти

Вкупната вредност во моментот е 3,3 милијарди евра за следните 5 години. Ова е сериозна бројка, повеќето се проекти поврзани со градежништвото, над 600 милиони евра годишно. Ќе треба да се организираме и мобилизираме да можеме да ги реализираме овие проекти. Како Влада, ќе сториме сè за да обезбедиме финансирање, а делот на реализација што треба да го зголеми БДП не зависи само од Владата, туку и од проектниот менаџмент на изведувачите – рече Мицкоски.

Опозицијата сака отворање нови рудници, ама да не биле со Западен капитал

Темата за рударството се актуализираше откако преку Стратешкиот дијалог со САД беа обезбедени средства за геолошки истражувања за антимон кај Крива Паланка. Од СДСМ иако велат дека не се против рудници, изразија незадоволство за проектот за антимон и побараа граѓанско изјаснување. Каја Шукова од СДСМ во телевизиско гостување во „Топ тема“ неодамна истакна дека како поранешна министерка за животна средина таа генерално никогаш не била против рудниците, но исто како и пратениците од Левица и Шукова сподели грижа околу работата на инспекциските служби.

Сиљановска-Давкова: Ние сме дел од Европа и таму ни е местото, но бараме третман како и за сите, за да се концентрираме на реформи, а не на ирационални прашања!

Швајцарија не е членка на Европската Унија, но таа ги исполнува сите Копенхашки критериуми и има извонредна соработка со Европската Унија.

Филков: Изгубената партија СДСМ свесно ги блокира реформите во изборното законодавство и само на збор се залага за европска иднина!

Поради отсуството на СДСМ беше одложена четвртата седница на Работната група за реформи во изборното законодавство, процес од кој директно зависи кредибилитетот на изборите и довербата на граѓаните, изјави министерот за правда Игор Филков. „Ова е доказ дека нивните заложби за европска иднина се само декларативни, а реалноста е нешто сосема спротивно. – нагласи Филков.

Манасиевски: Изјавата на Земон дека „Делчев не е битен за македонскиот идентитет“ е потврда дека на СДС не им е гајле за Македонија, за македонскиот народ и идентитет! (Видео)

„Членот на ИО на Филипче и Заев, Рубин Земон тврди дека Гоце Делчев не направил ништо за Македонија и не е битен за македонскиот идентитет. Ова не е личен став само на Филипче, туку е образец на СДС. Околу ова СДС постојано тежнее: кон релативизација на македонскиот идентитет, отстапки без гаранции и целосна рамнодушност кон она, за што генерации Македонци се бореле и се жртвувале. По ова јасно се гледа дека на СДС воопшто не им е гајле ниту за Македонија, ниту за македонскиот идентитет, ниту за македонскиот народ.“ – истакнува Валентин Манасиевски од ВМРО ДПМНЕ, изнесувајќи ја острата реакција на оваа партија по контроверзната изјава на Рубин Земон во разговор со бугарскиот новинар Атанас Величков, професорот Иван Динев Иванов и водителот на потпоткастот „Коридор 8“ Георги Станков.
Сите вести од Македонија

Најнови вести

To top