По контрола во ноќен клуб во Охрид полицијата привела седум странски државјанки затекнати при нелегална работа, информира Стефан Димоски, портпарол на СВР Охрид.
Акцијата е изведена на рано изутрина (10.05.2026), кога полициски службеници од Регионалниот центар за гранични работи Запад влегле во ноќен клуб на булевар „Железничка“ во Охрид.
Таму биле пронајдени и приведени А.Г.(28), М.Р.(26), А.Б.(29), А.С.(28), државјанки на Русија, П.П.(31) од Бугарија, А.Л.(31) од Казахстан и А.Р.(42) од Србија.
При извршена контрола во ноќниот клуб, странските државјанки биле затекнати како нелегално работат како танчерки, по што се приведени.
По целосно документирање на настанот, против нив ќе бидат поднесени пријави по член 217 од Законот за странци, објави портпаролот на СВР Охрид Стефан Димоски.