Македонија

Османи го уништи Димитров: Првиот протокол бил катастрофален за Македонија

,,Прдеа во иста тиква” а сега си ја префрлаат вината за катастрофалната дипломатија и штетните договори со Бугарија

2 минути за читање

Вистината за протоколите со Бугарија не може да се сокрива со дневнополитички манипулации, пишува екс министерот за надворешни работи Бујар Османи кој го обвинува неговиот преходник на истата позиција дека направил катастрофална грешка кога го потпишал првиот протокол со Бугарија.

Првиот протокол е далеку попроблематичен од вториот протокол и тоа поради една суштинска разлика, пишува Османи.

,,Во првиот протокол постои обврзувачка клаузула дека во рок од една година Историската комисија треба да постигне резултати за најчувствителните прашања — Илинденското востание и Гоце Делчев. Токму темите кои се срцето на спорот меѓу двете држави.

Тоа значи:
* обврска,
* конкретен рок,
* и директен политички притисок врз историските прашања.

Во вториот протокол, пристапот е целосно сменет:
* Нема обврзувачка формулација!
* Нема рок од една година.
* Нема условување со конкретен историски резултат.

Наместо тоа, во вториот протокол се користи формулација за охрабрување на работата на Комисијата (препорака, не обврска!), а временската рамка е продолжена до крајот на пристапните преговори со ЕУ”, објаснува Османи кој тврди дека тоа е суштинска и фундаментална разлика.

,,А да, и да не заборавам. Со вториот протокол ја усогласивме и употребата на македонскиот јазик во преговарачката рамката (без никаква додавка и фуснота), со која ја исправивме формулацијата „македонски јазик согласно Уставот“ дефинирана во Договорот за пријателство, и подоцна оставена (потврдена) во првиот протокол.

Затоа, денешните обиди на тие што го потпишаа првиот протокол и претходно го усогласија Договорот за пријателство и добрососедство со Бугарија, да ја префрлат вината на други се целосно неосновани”, пишува Османи за Никола Димитров иако не го споменува со име.

Првиот протокол го потпишаа Никола Димитров екс министер за надворешни работи на Македонија и Екатерина Захариева екс министерка за надворешни работи на Бугарија, на 10 јуни 2019 година во Софија.

Првиот протокол (или записник) од состанокот на Заедничката меѓувладина комисија, формирана според член 12 од Договорот за пријателство, добрососедство и соработка од 2017 година се однесува на првиот состанок на комисијата и имплементацијата на договорот.

Вториот протокол (почесто споменуван во медиумите) го потпишаа Бујар Османи и Теодора Генчовска на 17 јули 2022 година, исто така во Софија. Првиот од 2019 година често се споменува како основа за подоцнежните.

Овие протоколи се дел од билатералната соработка за спроведување на договорот од 2017, особено во контекст на историските и образовните прашања, како и пристапните преговори на Македонија со ЕУ.

Поврзани теми:

топ|Бугарија|Бујар османи|протоколи|Никола Димитров

Повеќе на оваа тема:

Најнови вести од: Македонија

(Фото галерија): Скопје наскоро ќе добие нов мултифункционален комплекс ТРИАНГЛА, современо место за уживање

Лоциран во општина Гази Баба, со влез на булеварот „Александар Македонски“, комплексот претставува нов современ концепт на малопродажен парк во источниот дел на Скопје. Инспириран од европските модели на отворени трговски комплекси, хотелиерство и урбани содржини за секојдневно уживање, проектот има цел да создаде нова значајна градска дестинација за жителите на Скопје и посетителите од регионот.

Никола Петров Русински: Македонија не е српска, ниту грчка, ниту бугарска! – Македонија е на Македонците!

„Македонија не е ниту српска, ниту грчка, ниту бугарска, ниту турска! Македонија е на Македонците!“ – порачал во почетокот на јули 1901 година Никола Петров Русински, кој во македонската национална историја останува запаметен како близок соработник на Гоце Делчев, Васил Главинов и на други истакнати македонски револуционери, но и како еден од основачите на четничкиот институт на Македонската револуционерна организација (МРО). Целиот живот го посветил на идејата „Македонија за Македонците“. Русински бескрајно многу ја сакал својата татковина, велел дека за него „цела Македонија му била роден крај“. Денес се навршуваат 83 години од неговата смрт.

Рама: „Мајката“ Урсула да не ги заборави своите „седум деца“ од Западниот Балкан! Неодржливо е да не сме на масата каде што се одлучува!

Европа денес има потреба од Западен Балкан колку што и ние имаме потреба од неа, а можеби и повеќе. Нашиот регион е во многу подобра позиција отколку пред неколку години и време е политички да стане дел од европското семејство, изјави албанскиот премиер Еди Рама во интервју за „Еуроњуз Србија“. Тој смета дека земјите од Западен Балкан повеќе не треба да бидат оставени настрана од европските процеси.

Летови со владин авион, хотелски трошоци и спорни набавки – ексдиректорот на СОЗР заработи кривична

За приватни потреби и без да постои основ го користел владиниот авион Лирџет 60, а при патувањата од сметката на СОЗР се вршени плаќања по разни основи. Освен тоа, за хотелски и угостителски услуги обвинетиот неосновано користел средства од службената картичка издадена на негово име

Осуденици ќе чистат од денес седум дена магистрални и регионални патишта – под постојан надѕор на затворската полиција!

Акцијата се реализира во соработка меѓу Управата за извршување на санкциите и ЈП „Македонија Пат“, согласно потпишаниот Меморандум за соработка за работно ангажирање на осудени лица.
Од денеска започна седумдневна работна акција за одржување на хигиената на магистралните и регионалните патишта низ државата, која ќе трае до 22 јули 2026 година.

Мицкоски: Владата има мандат до пролетта 2028, но подготвени сме да одговориме, ако бидеме предизвикани на предвремени избори

Премиерот Христијан Мицкоски го коментираше наметнувањето на темата за предвремени парламентарни избори од страна на опозицијата. „Опозицијата е оптоварена и тоа е нивен најголем проблем. Оваа Влада има мандат до пролетта 2028 година. Ние сме насочени на тој мандат, да го спроведеме она, што го очекуваат граѓаните го очекуваат од нас. Но, ако бидеме предизвикани, подготвени сме да одговориме на тој предизвик.“ – посочи Мицкоски.
Сите вести од Македонија

Најнови вести

To top