Македонија

По „Вистината за Македонија“ на Заев, Филипче со „Фронт за вистина и правда“

Фронтот ќе се базира на четири столба, од кои клучен е нулта толеранција за корупција и дигитална транспарентност

2 минути за читање

Единаесет години по „Вистината за Македонија“ на неговиот претходник Зоран Заев, лидерот на СДСМ, Венко Филипче, објави „Фронт за вистина и правда“.

Нулта толеранција за корупција и европска правда, иднина за младите, достоинствен живот за сите, подобар животен стандард и силно село и земјодолци се столбовите на Фронтот, кој Филипче го претстави на прес-конференција.

Клучниот столб на кој се темели програмата е нулта толеранција за корупција и дигитална транспарентност и опфаќа полна имплементација и проширување на соработката со Европското јавно обвинителство.

Во рамките на овој столб, предвидено е основање на национална антикорупциска дирекција според моделот на романскиот ДНА, потоа целосна дигитализација на јавните набавки, тендери и услуги, според естонскиот модел, задолжителна електронска декларација на имот, како и заштита и награда за свиркачи и регистар на црни листи.

„Граѓанин или вработен кој ќе пријави корупција добива 5 до 15% од вратените пари, плус целосна заштита на идентитетот и неговото работно место. Има анонимен онлајн канал, а моделот е по примерот на Естонија и САД. Со јавниот регистар на црни листи, секој осуден за корупција трајно се забранува да врши јавна функција или да учествува на државни тендерски постапки, ќе следуваат строги казни и конфискација на имот. Регистрот ќе биде јавно достапен онлајн. Моделот од естонската и од романската пракса“, објасни Филипче.

 

Поврзани теми:

Венко Филипче|Фронт за вистина и правда

Повеќе на оваа тема:

Најнови вести од: Македонија

Георгиевски верува дека „северномакедонски“ од Петрова-Чамова е логична грешка и ќе биде поправена

Крстоносната војна што ја водат некои бугарски аналитичари против името Македонец, македонски е еден од најголемите автоголови во бугарската идеолошка историја, смета експремиерот

(Видео): Државата почна да наликува на Лас Вегас, со законот за игри на среќа се става ред, вели премиерот

На секој чекор гледавме дуќани во кои со силни светлечки реклами се рекламира овој тип на среќа, пред се, мислам на казината и коцкањето и некако како правило до нив веднаш имате канцеларија за брзи кредити, па веднаш до нив имате заложувалница. Тоа е некако еден систем, којшто мораме да го регулираме и претставува систем којшто е за жал причина за многу семејни и човечки несреќи. Со овој закон се регулира оваа дејност, вели Мицкоски.

(Видео): Дали Коларевиќ поради лични интереси од Абази ја сопре постапката за „Мазут“, прашува Милошоски

Јавно се објавуваат податоци кои упатуваат на блискоста на обвинителката Коларевиќ, со моминско презиме Маркова, со партиите СДСМ и ДУИ. Таткото на Коларевиќ, Павле Марков, е избран за државен правобранител од владата на СДС во 1998 г. Мајката на обвинителката Колеревиќ, Вера Маркова, во 2004 од коалицијата СДСМ и ДУИ е избрана за уставен судија. Овие фамилијарни кариери на родителите во семејството Коларевиќ се цврсто поврзани со политичките номинации на владите на СДСМ, вели Антонио Милошоски, член на ИК на ВМРО-ДПМНЕ.

Водно резервирано за 14-тото издание на „Прв до врв“

На врвот на Водно е најавена и забавна програма со храна, пијалаци, диџеј и настап на бенд во живо, по што ќе следува прогласување на победниците. Поради одржувањето на настанот, за денес е најавен и посебен сообраќаен режим кон Водно.
Сите вести од Македонија

Најнови вести

To top