Свет

82 загинати во страшна експлозија на гас во кинески рудник (ВИДЕО)

Експлозија на гас во рудник за јаглен во северна Кина одзеде најмалку 82 животи, соопштија државните медиуми.

2 минути за читање

Експлозија на гас во рудник за јаглен во северна Кина одзеде најмалку 82 животи, соопштија државните медиуми.

„Спасувачките напори се уште се во тек. Бројот на жртвите сè уште се пресметува“, јави државната телевизија CCTV, додавајќи дека девет лица сè уште се водат како исчезнати.

Не е познато колку луѓе останале заробени под земја во рудникот во покраината Шанкси.

Претходно, државната новинска агенција Ксинхуа објави дека концентрацијата на јаглерод моноксид во рудникот „Лиушенју“ во градот Чангжи „ги надминала дозволените граници“.

Јагленот останува еден од главните извори на енергија во Кина, обезбедувајќи повеќе од половина од вкупната потрошувачка, и покрај напорите за преминување кон почисти извори.

Покраината Шанкси е еден од најголемите центри за производство на јаглен во Кина, но истовремено е позната и по лошото безбедносно досие во рударската индустрија. Во последните години, таму се случиле илјадници инциденти.

Експлозијата се случила во петокот во 19:30 часот по локално време (1:30 по средноевропско), кога во рудникот се наоѓале 247 работници. До 6:00 часот наутро во саботата, најмалку 201 лице биле успешно евакуирани.

Причината за експлозијата сè уште се истражува.

Кинескиот претседател Си Џинпинг повикал на „целосно спасување“ на исчезнатите работници и на темелна истрага за инцидентот, со утврдување на одговорност во согласност со законот.

Поврзани теми:

Кина|избор|жртви|експлозија|гас

Повеќе на оваа тема:

Најнови вести од: Свет

Кој ќе биде „газда“ на Гренланд?

Се очекува, Трамп да потпише договор чија цел е зголемување на военото присуство на САД на Гренланд и ограничување на присуството на геополитичките противници. Претставнициуте на Данска и на Гренланд се надеваат дека договорот ќе стави крај на претходните изјави на Трамп во кои тој сугерираше дека би можел да го преземе Гренланд со сила

(Видео): Отишол на училиште со ловџиска пушка и пукал – во Турција има ранети, напаѓачот е приведен

На социјалните мрежи се појавија првите видео снимки од напаѓачот кој со ловџиска пушка отвори оган во училиштето „Инчи Узмез“ во Маниса, на западот од Турција. Во инцидентот, според непотврдени информации, се повредени најмалку осум ученици, од кои еден е во критична состојба.
Сите вести од Свет

Најнови вести

To top