Македонија

Јаневски: Време е за пресврт, да се расчисти со предавниците, што ѝ забија нож в грб на Македонија, кои ѝ кројат црни сценарија и сега со „Бугари во устав“!

„Eдна од главните теми во Македонија и натаму е: зошто не сме ги внеле Бугарите во Уставот? Зашто одговорот е јасен. Не ги внесуваме зашто имаме два катастрофални протокола: потпишани едниот од Никола Димитров, а другиот од Бујар Османи, врз основа на кои Софија ќе не блокира веќе во првата секунда по отворањето на преговорите со Брисел, ако пред таа секунда не потпишеме дека сме вештачка нација создадена во 1944 година. И дека Гоце и сите други од „ Македонија како најромантичниот дел од бугарската историја“ ( како што велеше Петар Стојанов, поранешниот бугарски претседател) се Бугари, кои се бореле за бугарска Македонија населена со Бугари. Така што, од дамнина, до ден денешен, за Бугарија Македонија е бугарска земја, која комунистите ја претвориле во нешто друго, во нешто што сме денес и тука нема што ниту да се додаде, ниту да се одземе.“ – нагласува Дарко Јаневски, публицист, новинар и директор на Македонската информативна агенција – МИА во својата колумна со наслов „Бугарите во Устав, предавствата, мракот и светлината во љубовната приказна за Македонија“.

3 минути за читање

Натаму, покрај другото, Јаневски истакнува: А Димитров и Османи се расправаат чиј протокол бил подобар. Рамен е на армагедон колапсот од нивното време, од времето на нивниот гуру Зоран Заев, кому и натаму влакно не му фали од главата за сите злосторства што ги стори врз Македонија, За да се исправи тоа ќе треба време. Многу, многу време, кое ние го немаме. Но, што е – тука е! На Македонија и треба нова матрица. Матрица во човековиот ум, која нема само да бара, туку ќе биде подготвена и да даде. Ако треба да поднесе и жртва за оној кој веќе поднел или поднесува жртва. Така како што тоа го правеле многумина во историјата. Македонија е на крстопат. Владата има веќе две години од мандатот и сега е моментот за конечен пресврт во државата. Да се тргне кон „да се биде или не“. И при тоа ќе има денови, кои се мачни. Судбината, ваква или онаква, никого не штеди. Ова се денови на пресврт. Денови кога се гледа кому таа му дала се, но и кои се тие, што ѝ забиле нож во грб. Кои работеле и работат против неа. Кои Ја предаваат, ја кодошат, кои ѝ кројат црни сценарија на Македонија.

А, има други кои молкум биле со својата Македонија, ја сакале, ваква или онаква, и тогаш кога изгледало дека таа ги предала, ги оставила да крпат од први до први, да се мачат со осакатеното здравство, да трпат за лекови, да го топат геврекот во чај со старата кесичка која вчера само до половина била ставена во врелата вода, наместо со јогурт… но тие останале со својата Македонија. Е, на тие луѓе, за тие луѓе, вреди да се истрае до крај. За да се поништат претходните седум години. Да се помножат со нула. Да се решат предавствата. Тие од седумте години, но богами ги има дузина и од пред тоа. Предавства од дома, заедно со тие од надвор.

И за тие луѓе, оваа држава треба да се спастри. Да се расчисти со разните инсталации кај Савески, да се расчисти со оние инсталации, кои се научени дека оваа држава постои за нив, и дека тие од неа треба само да земат, да добијат, но не и да дадат. И да се почне од ново. Од нула. Без оние кои малтретирале кога ни било најтешко и без оние кои извршиле предавство, кои ни свртеле грб исто така кога ни било најтешко. Ова се моменти кога е потребна „Песочната бура“ на Американците во Ирак, или советските каќуши од Втората светска војна. За да може конечно да здивне оваа држава, која некогаш, како територија била за два ипол пати поголема, заклучува Дарко Јаневски во својата колумна.

Поврзани теми:

топ|Бугари во Устав|колумна на Дарко Јаневски директор на МИА|време е за расчистување со предавниците на ЀМакедонија со кројачите на црните сценарија и сега

Повеќе на оваа тема:

Најнови вести од: Македонија

(Фото): Казни и одземање лиценци по инцидентот со свлечиштето во Центар

Од Општина Центар порачуваат дека нема да толерираат неодговорно однесување на инвеститори со кое се загрозува безбедноста на граѓаните и се уништува јавниот простор. Општинските служби најавуваат дека ќе останат на терен сè до целосно отстранување на последиците. Во град каде секоја втора улица личи на градилиште, ова не е само локален проблем на една парцела. Ова е тест дали институциите ќе реагираат пред, а не по следната несреќа.

Заменик-министерката Трајков добитничка на признанието „Лидер во дигитална трансформација“

Викторија Трајков, заменик министерка за европски прашања е добитник на престижното признание „Digital Transformation Leader“ во рамки на првото национално издание на Women Tech Macedonia Awards 2026.

Теодосиевски: Шарлатанот и лидер на сектата бара од премиерот споделено „Бугари во Устав“?! И други да им ги бришат валканиците – ма немој?!

„Лидеро’ на сектана од собраниска говорница бара од премиерот и власта заедно со него да ги направат уставните измени и при тоа да ја споделат одговорноста за тој чин велејќи: ‘Сакам да знае дека ја споделуваме одговорноста за било што, што понатаму ќе се случува во текот на преговорите.’ Што повторно ќе рече дека најцрно подметнуваат божем сите го пишувавме смешнион Договор за пријателство и добрососедство со Бугарија, а особено сите учествувавме во составувањето на шизоиднион Протокол бр. 2 и ставивме заеднички потпис врз него! Ма немој, повторно – сите, нели? ‘Сите’ да им ги бришат кашканиците!“ – пишува Златко Теодосиевски во својата колумна со наслов „Нѐ убива ‘демократскиот соцреализам“.

Пленковиќ: Спорот со Бугарија е главна пречка во евроинтегрирањето на Македонија! Хрватска ќе помогне да се надмине!

Хрватскиот премиер Андреј Пленковиќ оцени дека Македонија бележи напредок во исполнувањето на критериумите за членство во Европската Унија, но нагласи дека спорот со Бугарија и натаму останува главна пречка во евроинтегративниот процес. На заедничката прес-конференција во Охрид со премиерот Христијан Мицкоски Пленковиќ изјави дека по изборите во Бугарија се очекуваат првите конкретни чекори и контакти меѓу Скопје и Софија. 

Мицкоски за спорот со Бугарија: Стратегиска цел ни е ЕУ, но нема повеќе идентитетски отстапки, колкава и да е цената!

Премиерот на Република Македонија Христијан Мицкоски на денешната прес-конференција со хрватскиот колега Андреј Пленковиќ, кој е во посета на Македонија, истакна дека нашата стратегиска цел е да бидеме дел од Европската Унија. „Но, нема повеќе можности за идентитетски отстапки, за чекор назад кога станува збор за нашите национални одредници, колкава и да е за тоа цена. Ако тоа е цената што треба да ја платиме, и покрај тоа што сме вистинскиот предводник, пред другите, додека е оваа Влада, таа е подготвена да ја плати таа цена. Ако навистина билатералните процеси треба да му судат на нашиот европски пат, тогаш ќе се бориме на друг начин.“ – нагласи Мицкоски, одговарајќи на новинарско прашање.

„Н.М.“: Македонија со посебно место во новата американска геополитичка архитектура! Таа е во средиштето на стратегиската мапа на САД за Балканот!

„Стејт департментот поднесува извештај до американскиот Конгрес: во извештајот, Македонија не е спомната како проблем, туку како пример. Тоа можеби е најважната дипломатска реченица што земјата ја добила од Вашингтон во последната деценија. Во време кога Балканот повторно станува шаховска табла на големите сили, САД ја посочуваат Македонија како држава, што го зајакнала НАТО, и како партнер со кој треба да се продлабочува стратегискиот дијалог. Ова не е случајна формулација. Пред само еден месец, во Вашингтон беше обновен и интензивиран стратешкиот дијалог меѓу Македонија и САД. Тој процес сега добива конкретна политичка и економска содржина.“ – се нагласува во анализата со наслов „ 3, објавена во весникот „Нова Македонија“.
Сите вести од Македонија

Најнови вести

To top