Македонија

Македонија високо позиционирана според конкурентноста и иновациите во регионот

Македонија добро позиционирана според конкурентноста и иновациите. Сите македонски региони се рангирани во топ 20 во регионот, а најдобри резултати покажале скопскиот и југоисточниот регион – покажа истражувањето на Центарот за истражување и креирање политики. Главни двигатели на иновациите и знаењата се странските инвеститори кои користат високи технологии.

Македонија е добро позиционирана на Индексот за конкурентност и иновации на Западен Балкан, кој ги анализира состојбите и капацитетите за развој на иновациите и конкурентноста во регионот. Индексот беше презентиран на настан организиран од Центар за истражување и креирање политики во соработка со Фондација Конрад Аденауер. Министерот за дигитална трансформација Стефан Андоновски истакна дека Владата веќе преминува од креирање регулативи кон директни инвестиции во иновации и дигитална трансформација.

  • Минатата година ги поставивме правилата преку новиот закон за иновации, научно-технолошки развој и претприемништво, а годинава веќе директно инвестираме во иновациски процеси – рече Андоновски.

Тој посочи дека поддршката се реализира преку два европски дигитални иновациски хабови – ИНОФЕИТ ЕДИХ и ДИГИТ-МАК, кои ги поврзуваат универзитетите, стопанските комори и приватниот сектор со цел забрзување на дигиталната трансформација.

Според Андоновски, дополнителен импулс ќе даде и Центарот за вештачка интелигенција „Везилка“, кој треба да овозможи поширока примена на алатките за вештачка интелигенција и во јавниот и во приватниот сектор.

Директорката на Центарот за истражување и креирање политики, Марија Ристеска, информираше дека индексот ги анализирал Bosnia and Herzegovina, Albania, Serbia и Macedonia. Таа нагласи дека скопскиот регион е третопласиран на листата, додека сите македонски региони се рангирани меѓу првите 20. Според неа, особено добро се позиционирани Скопскиот и Југоисточниот регион, благодарение на продуктивноста, извозот и додадената вредност.

Ристеска посочи дека индексот се базира на 13 индикатори, меѓу кои продуктивност, иновации, истражување и развој, интернет-пристап, патенти, извоз и странски директни инвестиции. Сепак, таа оцени дека државата сè уште заостанува зад Србија, особено во делот на истражување и развој, како и во продуктивноста.

  • Потребни се повеќе инженери и посилна дигитална трансформација на компаниите за да се зголеми продуктивноста и конкурентноста на економијата – истакна Ристеска.

Од Фондација Конрад Аденауер порачаа дека иновациите се клучни за подобрување на животниот стандард и економскиот развој на регионот на Западен Балкан.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

To top