Маријана Петир со индиректна осуда за условувањата на македонската евроинтеграција од Бугарија, без да ја спомне.
„На 59. Меѓународен фолклорен фестивал во Загреб се претставуваат и нашите пријатели од Македонија, кои верно ги чуваат своето традиционално наследство, песна, оро, носија, јазик и идентитет на македонскиот народ. Ја поддржувам Македонија на нејзиниот европски пат, а барањата што посегнуваат по суверенитетот и националниот и културниот идентитет на Македонија се целосно неприфатливи за мене. #Macedonia #UNESCO #identity“, порача на Фејсбук хрватската пратеничка, која никогаш не ја користи наметната географска одредница за македонската држава. Напротив, во секоја пригода ја идентификува како Македонија земјата за чии права се бореше и додека беше член на Европскиот парламент, а нејзиниот (мнозински) народ како македонски.