Актерот Владо Јовановски јавно му фрли ракавица на СДСМ да се изјасни за пораката од поранешниот бугарски разузнувач, а подоцна и дипломат Велизар Енчев дека Бугарија не смее да дозволи Македонија да влезе во Европската Унија.
„Ало ‘Бихаќка – Заевистичка’, ќе гукне ли некој нешто по този в’прос или како папагали ќе верглате ‘Бугари во устав’?“, ѝ се обрати Јовановски на партијата на Венко Филипче.
Реакцијата на еден од водачите на граѓанската иницијатива „За заедничка Македонија“ што организираше протести низ државата во 2017 година против Тиранската платформа и промената на името на македонската држава е испровоцирана од настапот на Енчев на бугарски поткаст, кадешто оцени дека „влезот на Македонија во ЕИ би бил голем удар за Бугарија“.