Македонија

Николоски: Меѓуградскиот воз Прилеп–Битола наскоро во функција

Според министерот, активирањето на железницата ќе придонесе за намалување на загадувањето, заштита на патната инфраструктура и повторно заживување на железничкиот транспорт во регионот.

facebook.com/NikoloskiA

Вицепремиерот и министер за транспорт и комуникации, Александар Николоски, најави дека меѓуградскиот железнички превоз меѓу Прилеп и Битола ќе биде воспоставен кон крајот на јуни или почетокот на јули.

Николоски го соопшти ова при денешната посета на Општина Могила, истакнувајќи дека возот ќе претставува важна алтернатива за граѓаните додека трае изградбата на автопатот Прилеп–Битола.

„Интензивно работиме со двете железнички претпријатија за да се подготви инфраструктурата, особено патните премини, и да се обезбедат возови со соодветна фреквенција“, рече Николоски.

Тој додаде дека цената на билетот ќе биде симболична – околу 150 денари, со цел услугата да биде достапна за што поголем број граѓани.

Паралелно, Министерството работи и на воспоставување на товарен (карго) железнички сообраќај кон Прилеп и Битола. Николоски истакна дека веќе постои интерес од компании за превоз на стоки преку железница.

Според министерот, активирањето на железницата ќе придонесе за намалување на загадувањето, заштита на патната инфраструктура и повторно заживување на железничкиот транспорт во регионот.

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

To top