Македонија

ФОТО: Показна вежба на ЕБР

Директорот на Бирото за јавна безбедност присуствуваше на завршните показни вежби на новите припадници на Единицата за брзо распоредување

1 минута за читање

Денеска (04.06.2026) директорот на Бирото за јавна безбедност, Александар Јанев, во седиштето на Единицата за брзо распоредување присуствуваше на завршните показни вежби на новоселектираните полициски службеници кои по успешно завршената шестмесечна обука ќе станат дел од оваа елитна и високо специјализирана единица на Министерството за внатрешни работи.

Преку низа тактичко-показни активности, кандидатите ги презентираа стекнатите знаења, вештини и способности, демонстрирајќи високо ниво на физичка подготвеност, професионалност и обученост за извршување на најсложените безбедносни задачи.

Директорот Јанев истакна дека прикажаните резултати претставуваат потврда за квалитетот на селекцискиот и обучувачкиот процес, како и за континуираните напори на Министерството за внатрешни работи во создавање стручен, дисциплиниран и мотивиран полициски кадар подготвен да одговори на сите безбедносни предизвици.

Тој упати честитки до новите припадници на Единицата за брзо распоредување, до нивните инструктори и до раководството на единицата, посакувајќи им успешна и професионална служба во интерес на безбедноста на граѓаните и државата.

Со приемот на новата генерација припадници, Единицата за брзо распоредување дополнително ги зајакнува своите оперативни капацитети и продолжува да ја извршува својата мисија како една од најподготвените и најпрофесионални единици во составот на македонската полиција.

Поврзани теми:

показна вежба|вежби|ЕБР|топ|актуелно|БЈБ|Единица за брзо распоредување|директор|фото

Повеќе на оваа тема:

Најнови вести од: Македонија

Клучката кај Момин Поток ќе биде завршена до Нова година

Градежните работи на клучката кај Момин Поток се 75 проценти реализирани. Овој потег ќе биде завршен до Нова година, а по пуштањето во употреба сериозно ќе го намали метежот и ќе овозможи сугурен, безбеден сообраќај, рече денеска градоначалникот на Скопје Орце Ѓорѓиевски, кој заедно со премиерот Христијан Мицкоски изврши увид во градежните работи.

Мирка Гинова, симболoт на македонскиот идентитет и непокор во Егејска Македонија – 80 години од смртта

На денешен ден, на 26 јули 1946 година е стрелана Мирка Гинова, национален деец и борец за македонската кауза и слобода во Втората светска војна и Граѓанската војна во Грција. „Мирка Гинова била многу активна во организирањето на отпорот против особено жестокиот терор врз Македонците во Егејскиот дел на Македонија, спроведуван од грчката десница и грчките државни органи. Секојдневно го организирала македонскиот народ. Со својата активност станала позната во цела Егејска Македонија, но и за грчката полиција, која поради тоа настојувала да ja убие.“ – пишуваат универзитетските професори-историчари д-р Лилјана Пановска и д-р Тодор Чепреганов во своја научна статија. Гинова е првата жена и Македонка, стрелана во Грција од политички причини. Посмртно е прогласена како народен херој од Македонија.

Мицкоски: Опозицијата шири хистерија, Владата остварува резултати – во рекорден рок решен проблемот во Гостивар

Политиката на опозицијата е да конструира лаги и да шират хистерија, а политика на Владата е да остварува резултати. Ние така и ќе продолжиме, порача премиерот Христијан Мицкоски, одговарајќи на новинарско прашање.

ВМРО ДПМНЕ: СДС им излегува пресрет на ДУИ и Таравари и не бара одговорност од Валбон Лимани, кој е таму благодарение на нив

„СДС, како и секогаш, така и сега одлучи кризата во Гостивар да ја претвори во игранка за да си собери некој поен плус. Но, никако од СДС да слушнеме да побараат одговорност од градоначалникот на Гостивар, Валбон Лимани, кој не се чувствувал виновен за тоа што здравјето на граѓаните е загрозено.“ – нагласува ВМРО ДПМНЕ во своето соопштение.

Скопје одбележува 63 години од катастрофалниот земјотрес – трагедија, од која никна „Градот на солидарноста“

Денес се навршуваат 63 години од катастрофалниот скопски земјотрес, трагедија што засекогаш остана запишана во колективното помнење на скопјани и сиот македонски народ. Во 5 часот и 17 минути, додека поголемиот дел од скопјани сè уште спиеле, силен земјотрес со јачина од 6,1 степени според Рихтеровата скала (9 степени според Меркалиевата скала) го погодил градот. Потресот траел само дваесетина секунди, но тие неколку мигови биле доволни за да однесат илјадници животи, да урнат цели населби и засекогаш да го променат изгледот на Скопје.
Сите вести од Македонија

Најнови вести

To top