На денешната прес-конференција, портпаролката на СДСМ и членка на Извршниот одбор, Богданка Кузеска, нагласи дека платформата усвоена на вчерашниот “програмски Конгрес’ на опозициската партија кја, според неа, има за цел подобрување на животниот стандард, борба против корупцијата и обезбедување европска иднина за Македонија.
Конгресот на СДСМ да прогласи вонредна состојба, бара Еленовски
На вчерашниот 32-ри конгрес, СДСМ најави нова фаза на политичко дејствување преку „Скопска иницијатива“ и програмската платформа „Твојата земја, твоја шанса“, која, според партијата, претставува визија за модерна, фер и европска држава.
Според „фатазмагоричното“ објаснување на Кузеска, документот содржи конкретни политики за поддршка на младите, со акцент на достоинствено вработување, повисоки плати, прифатливи станови, квалитетно образование и создавање еднакви можности за напредување.
Видео: Функционери од СДСМ признаваат дека рејтингот е мал, но се спремни за избори
СДСМ оценува дека еден од најголемите предизвици со кои се соочуваат младите е чувството на неправда и недоверба во институциите, поради што борбата против корупцијата е поставена како еден од главните приоритети во платформата.
Меѓу предложените мерки се нов закон за борба против корупцијата, проверка на избрани и именувани функционери, проверка на потеклото на имотот, зајакнување на институциите за борба против корупцијата и понатамошна дигитализација на јавните услуги.