Директорот на Канал 5 Иван Мирчевски реагира на изјавата на првиот министер за надворешни работи на Република Македонија Денко Малески кој преходно во контекст на спорот со Бугарија порача дека не секој народ може да ја пипува својата историја.
Мирчевски прашува зошто екс министерот не преговарал за историјата додека бил министер пред 33 години.
Тој бара Малески да преговара само за своето семејство и да признава дека неговите претци не биле Македонци а биле агресори во втората светска војна.
,,Г-дине Малески, баш убаво беседите дека мораме да имаме дијалог за, пазете, нашата историја и минато со источниот ни сосед.
Еве едно логично прашање за вас:
Зошто вие во вашиот мандат, како министер за надворешни работи на Македонија од 1991 година до 1993 година, не седнавте да преговарате за македонската историја?
Смеам да погодам?
* Ако тоа и‘ го понудивте на тогашната Влада , ургентно ќе ве пратеа на проценка на деловната способност”, пишува Мирчевски и му дава предлог на Малески.
,,Може ли предлог за Вас?
А да почнете Вие преговори со источниот ни сосед за нашата историја и минато, ама само за Вас и вашето семејство. Договорете се и прифатете слободно дека Вашите предци биле агресорите во Втората Светска Војна, дека не биле Македонци и што се уште не.
Така ем источниве ќе бидат малку посреќни зошто конечно нашле некој да преговара со нив, ем Вие ќе бидете уникатен егземплар, и тоа историски. Ќе ве учат во книгите идните генерации како во Македонија така и во Бугарија.
Сите знаеме дека на крајот желката победи во трката, г-дине Малески. Не зајакот”, порачува Мирчевски кој ги користи овие хаштази:
Желката
#macedonia #kanal5tv #ex #foreign #affairs
Што кажа во шокантната изјава на Малески