Милановски посочува: „Очајот на СДС премина во фрустрација (фрустрација – разочараност и вознемиреност, ред.заб.) . Тие имаат проблеми и се обидуваат да се пресметаат со секој, што ја кажува вистината за состојбата во СДС, дека таа како партија тоне и оти е најверојатно трета, или четврта политичка опција во Македонија. Прво се пресметаа со Алфа, па со медиумите, па со аналитичарите и сега со поранешни и сегашни функционери на СДС.“
Според овој аналитичар, „последните анкети и анализи за рејтингот укажуваат во СДСМ не можат да се рехабилитираат ни после две години власт на ВМРО-ДПМНЕ“.
„Од друга страна, денес ВМРО-ДПМНЕ има стабилен рејтинг, кој има потенцијал сѐ уште да расте. Во таа смисла, зенитот на моќта на ВМРО-ДПМНЕ се уште не е достигнат, додека она што се случува во СДС е вџашувачко, бидејќи таму сепак имаше некаков никулец на можна демократија, дека СДС ќе се освести, дека ќе почуствува дека го има допрено дното, дека по изборните резултати и анкетите ќе се обидат да сменат нешто. Но оваа фрустација и оваа злоба искажана кон сегашни и поранешни сопартијци, само говори дека таа партија нема потенцијал, не знае да се обедини. Тие се во судир и со други опозициски партии,а тоа само ќе ја зацврсти политичката моќ на ВМРО-ДПМНЕ и ќе им донесе стабилност, но за опозицијата тоа ќе биде погубно на подолг рок.“ – анализира Стефаноски во „За или против“.