Македонија

Судењето против ВМРО (об) од 8-21.1936 во Софија, поради искажувањето македонска свест, дека Македонците се посебен народ, а не Бугари

На денешен ден, на 8 јули 1936 година во Софија започнал првиот судски процес во Бугарија, поради искажување македонска национална свест: судењето против раководителите и членовите на ВМРО (обединета) се одвивало од 8 до 21 јули 1936 година. Тие биле обвинети врз основа на Законот за заштита на државата дека се залагале за насилна промена на власта, но и поради нивниот цврст став дека Македонците не се дел од бугарскиот народ, туку одделна нација. Во текот на судењето обвинетите се изјаснувале како Македонци и ВМРО (обединета) ја претставиле како македонска национална и ослободителна организација. Забраната и судските процеси против организации што пројавуваат македонска национална свест не е новина во бугарското општество. Тоа го покажуваат историските документи и сведоштва.Ова се нагласува во статијата „Првиот судски процес против пројавувањето македонска национална свест“ на весникот „Нова Македонија“.

4 минути за читање

Христо Калајџиев: „Македонската нација е опасен, страшно непријатен призрак, што им ја нарушува душевната рамнотежа, на оние кои крекаат хистерично, одрекувајќи ѝ го постоењето!“

Натаму, во споменатата статија, објавена на 14 јули 2023 година, покрај другото, се истакнува: ВМРО (обединета) ја прифатила идејата за автономија, независност и обединување на Македонија во рамките на балканска федерација и тие определби ги внела во своите документи. Таа започнала и со отворено афирмирање на македонските национални особености. Суштинските принципи на ВМРО (обединета) ги објаснува и Христо Калајџиев, еден од обвинетите во судскиот процес, во статијата објавена во „Македонска мисла“, списание на Македонскиот научен институт.

„Македонската нација е факт… Има луѓе, што упорно ритаат и ја одрекуваат. Тоа се великобугари, великосрби, великогрци и оние Македонци, воспитани од нив, кои беа привлечени од нивната идеологија и станаа поголеми папи од папата, поголеми Турци и од Турците… За нив македонската нација е еден опасен, страшно непријатен призрак, кој што им ја нарушува душевната рамнотежа. Тоа се истите оние кога во Бугарија се проговори за неопходноста од македонското сознание… кои при изградбата на македонското дело, закрекаа хистерично и продолжително дека тоа е најголемата ерес… Тоа се истите оние, кои што го развеаја знамето за самостојна Македонија, а во решителниот момент ја предадоа во шепите на великобугаризмот.“ – ќе посочи  Христо Калајџиев во споменатата статија.

Првпат во официјален извештај на бугарска полиција влегува формулација „Македонците не се Бугари туку одделна и самостојна нација, според идеологијата на ВМРО (обединета)“

Во својот извештај од 1936 година бугарската полиција тврди дека цели на ВМРО (обединета) се промени во системот на државата и одделување делови од територијата на Царството Бугарија, односно одделување на Пиринска Македонија кон нова независна држава во централниот дел на Балканот. Во официјалниот полициски извештај е посочено дека според идеологијата на ВМРО (обединета), Македонците не се Бугари туку се одделна и самостојна нација.  Вкупно биле обвинети 19 лица, а на четворица им се судело во отсуство, односно на Димитар Влахов, Методија Шаторов-Шарло, Васил Ивановски и Владимир Поп Томов. Од оние 15, што биле во судницата, само еден бил роден во Бугарија, девет се изјасниле како Македонци, а пет како Бугари. Меѓу обвинетите биле и Асен Чаракчиев, Христо Калајџиев, Александар Мартулков, Мара Димитрова Петрова, Јордан Анастасов и др. 

Судењето официјално започнало на 8 јули 1936 година и се одвивало во Судската палата во Софија. Обвинетите ангажирале неколку адвокати. Сите обвинети се изјаснувале како невини, дека го бранеле македонскиот народноослободителен карактер на ВМРО (обединета). Во текот на судењето, обвинетиот Асен Чаракчиев ја претставил идеологијата на ВМРО (обединета) и јавно го искажал ставот за неопходноста за одвојување на Пиринска Македонија од Бугарија и постоењето македонска нација. Врз основа на истрагата и доказите, бугарскиот суд ја окарактеризирал ВМРО (обединета) како организација, која има цел преку насилни методи да го промени државното уредување и да му наштети на територијалниот интегритет на Бугарија. На 21 јули Димитар Влахов и Владимир Поп Томов биле осудени во отсуство на 12 и пол години затвор, а другите на пет години затвор и парична казна од 50 илјади лева.

Која е ВМРО (обединета)?

 ВМРО (обединета) е македонска револуционерна организација што се стремела да прерасне во масовно народно движење за извојување слободна и независна Македонија во рамките на нејзините географски и економски граници и нејзино конституирање во самостојна политичка единица, што ќе влезе како рамноправен член на идната балканска федерација. Нејзини најистакнати дејци биле: Панко Брашнаров, Димитар Влахов, Симеон Кавракиров, Владимир Поп Томов, Андреја Чипов, Методија Шаторов-Шарло и др. При основањето бил избран Централен комитет со седиште во Виена. Нејзин орган бил весникот „Македонско дело“. За трите дела на Македонија биле создадени одделни комитети на чело со секретар. Подоцна седиштето на ЦК на ВМРО (обединета) било пренесено во Берлин.

Настанала голема провала во Велес, Куманово, Скопје и во Штип (1928-1929): биле уапсени 113 нејзини членови, меѓу кои и членот на ЦК, Панко Брашнаров. По испраќањето на робија на дел од осудените, во наредната година престанала дејноста на Организацијата во вардарскиот дел на Македонија. Во пиринскиот дел, нејзината активност постепено замира по провалата во 1935 година и судскиот процес од 1936 година, пишува весникот „Нова Македонија“.

 

 

Поврзани теми:

прво судење во Бугарија поради пројавување македонска национална свест и различност на Македонците од бугарскиот народ|ВМРО (обединета)|топ|Македонија

Повеќе на оваа тема:

Најнови вести од: Македонија

Поднесено обвинение за „Еуростандард“ банка од Скопје – намерно е втурната во стечај со долг од 27 милиони евра!

Со одобрување кредити на кредитно неспособни и поврзани правни лица, без соодветни анализи и обезбедување, со прикривање на реалната финансиска состојба и ризиците, како и со неточно известување до Народната банка, пријавените придонеле банката да биде доведена во стечај, а доверителите да бидат оштетени со околу 27 милиони евра во денарска противредност. Основното јавно обвинителство за гонење на организиран криминал и корупција до Основниот кривичен суд Скопје поднесе обвинителен акт против три лица кои се товарат дека сториле по едно кривично дело „Предизвикување стечај на банка“, како и обвинителен предлог против едно лице за кривично дело „Несовесно работење во службата“.

Мицкоски: Наместо да прават политичка гимнастика и естрада, СДСМ и Левица да усогласат текст, со препораки на ОБСЕ/ОДИХР и гласање на дијаспората, ќе го прифатиме

Договорете се, дајте ни текст и ние ќе го прифатиме, нормално, со вклучени препораки на ОБСЕ/ОДИХР и гласање на дијаспората, им порача денеска премиерот Христијан Мицкоски на СДСМ и Левица во врска со измените на Изборниот законик. Тој ги оцени нивните реакции како политичка гимнастика и естрада.

Кос задоволна од сработеното на владата: Македонија се наоѓа меѓу најдобрите изведувачи на патот кон ЕУ

Македонија се наоѓа меѓу најдобрите изведувачи, за тоа што е усогласеност со европските стандарди и затоа Македонија се квлификуваше во групата на земји на кој што ќе дадеме дополнителни средства за Планот за раст, и го дискутиравме ова навистина многу, ова не е толку очигледно. Може да дојдете до врвот, затоа што ги испорачувате очекувањата и навистина сум среќна што можам да ве уверам дека вашата земја се наоѓа токму во таа група, истакна на денешната заедничка прес конференција со премиерот Христијан Мицкоски еврокомесарката за проширување Марта Кос.

Котлар: Ракувањето на македонскиот народ со историјата често е исполнето со крв, со бури Самоилови, Карпошови, илинденски, партизански, АСНОМ-ски, со негирања!

„Чекајќи ја Марта од ’Европа’ еве исечок од една хроника на охрабрување: која е мерката за големината на еден народ, или на една држава? Дали е тоа територијата, нејзината површина, дали е бројноста на населението, дали е природното богатство или е освоеното, крваво богатство?! Дали големината е само во материјалната и во физичката претстава? А што е со духовната, културната вредност, или со сонцељубивите изрази на еден народ, или на држава?! Еве да го земам за пример мојот народ, македонскиот, кој не е многуброен, но е неизбројан! А, сепак тој е простодушно верен на исконската опстојба и вознес кон историската вертикала од библиски приказни, древност, средновековие и нововековие, па сè до совремието.“ – пишува универзитетската професорка од Институтот за историја д-р Наташа Котлар на својот фејсбук – профил во објавата насловена како „Модерни (ЕУ) народи!“

Манасиевски: СДС, Левица и ДУИ прво се договараат за Изборниот закон, а потоа го блокираат, иако бил договорен!

„СДС, Левица и ДУИ прво нека се договорат меѓу себе што сакаат од Изборниот законик, а ВМРО-ДПМНЕ ќе прифати сѐ што ќе побараат, само дијаспората да гласа по електронски пат, или по пошта.“ – нагласи портпаролот на ВМРО ДПМНЕ Валентин Манасиевски.
Сите вести од Македонија

Најнови вести

To top