Македонија

Антикорупциска комисија: Пет лица истовремено извршуваат две функции

Државната комисија за спречување на корупцијата (ДКСК) во согласност со своите надлежности, утврдени со Законот за спречување на корупцијата и судирот на интереси, редовно следи дали се почитува законската обврска за поднесување изјава за имотна состојба и интереси, како и законската забрана за истовремено извршување повеќе функции, кои  се неспоиви согласно со закон, соопшти ДКСК.

1 минута за читање

„Во последната проверка на електронското поднесување изјави за имотна состојба и интереси ДКСК утврди дека пет лица истовремено извршуваат две функции. Поради тоа, за овие лица ќе бидат оформени предмети. По утврдување на фактичката состојба, ако се утврди дека се работи за неспоиви функции, од нив ќе биде побарано да се откажат од една од функциите што ги извршуваат. Истовремено, ДКСК ќе предложи прекршочни постапки  согласно со Законот за спречување на корупцијата и судирот на интереси, што е казниво согласно со истиот закон. По извршената проверка на изданијата на „Службен весник“ за  март 2026 година, како и по увидот во својата евиденција, ДКСК утврди дека вкупно 38 лица, кои во март 2026 година биле избрани, именувани или разрешени од функција, не ја исполниле законската обврска за поднесување изјава за имотна состојба и интереси до ДКСК во законски утврдениот рок.“ – се вели во соопштението на ДКСК.

Оттаму додаваат дека против овие лица ДКСК ќе предложи покренување постапки за сторен прекршок согласно со Законот за спречување на корупцијата и судирот на интереси, а што е казниво согласно со  истиот закон.

Поврзани теми:

топ|Анткорупциска комисија|истовремено вршење две функции

Најнови вести од: Македонија

Кризната состојба продолжена до 20 октомври, одлучи Владата

Кризната состојба за нафта и нафтени деривати е продолжена до 20 октомври. Оваа одлука ја донесе Владата на последната седница на 17 јули, поради можноста од нарушување на снабдувањето со нафта и нафтени деривати.

ЕУ подготвува голема реформа во банкарската регулатива

Една од главните цели на реформата е да се поттикнат прекуграничните спојувања на банките, што би ѝ дало на Европа доволно големи институции за да се натпреваруваат рамноправно со американските финансиски гиганти.

Скопскиот е најбрзорастечки меѓу аеродромите во екс-Југославија, 360.589 патници повеќе во споредба со истиот период лани

Македонија беше најбрзорастечкиот пазар во поранешна Југославија, со додадени 375.766 патници во текот на првите пет месеци од годината, пишува порталот „Екс-ју авиејшн“.

Директорката на „Комуналец“ Асани тврди: Епидемијата во Гостивар не е од загадена вода, туку од храна и високите температури!

Директорката на Јавното претпријатие „Комуналец“ од Гостивар одговорно за градската водоводна мрежа Артана Асани во изјава за „Телма“ вели дека зголемениот број на заболени лица во Гостивар не е поради загадената вода. Таа ги негира информациите на надлежните институции кои ја забранија водата за пиење во Гостивар поради сомневање дека таа е загадена и е извор на епидемијата која се шири во градот. Асани вели дека „меѓу заболените има и лица кои пиеле само флаширана вода“ и според неа „причина за заболувањата на над 1200 граѓани се храната што ја јаделе или високите температури“.

Уапсен А.М.Б. (41) од Англија, мавал со камења кон даночни контролори кај „Камени кукли“, сопруг е на кратовката, која го узурпираше јавниот локалитет, барајќи пари за влез

Основното јавно обвинителство Куманово поведе постапка против 41-годишен британски државјанин поради сомнение дека го сторил кривичното дело „Спречување службено лице во вршење службено дејствие“, соопшти Обвинителството. Вчера околу пладнето полициски службеници од ОВР Кратово го лишиле од слобода А.М.Б. (41) од Велика Британија. Јавноста пред неколку месеци сведочеше за случајот во кој токму на овој локалитет, жената од Кратово нелегално барала наплата на влезници, узурпирајќи го јавниот локалитет. Британецот е сопруг на оваа кратовка.
Сите вести од Македонија

Најнови вести

To top