На седницата на Советот на општина Неготино во петокот, советникот Љубе Темелков (МААК) е отстранет од натамошниот тек на седницата поради непочитување на деловникот и три последователни опомени.
Откако одбил да ја напушти салата и покрај интервенција на обезбедување, претседателката на Советот Лилјана Арсова Митрова (ВМРО-ДПМНЕ) ја прекинала седницата.
По неколку часа, околу 23:45, Лилјана Арсова Митрова поднела пријава во полицијата против Темелков дека го попречувал работењето на Советот.
Темелков во видео-обраќање ги отфрли обвинувањата, тврдејќи дека само барал почитување на деловничките права и дека станува збор за политички притисок.
Тој посочи дека зад сето стои градоначалничката и сопругот на претседателката на Советот, кој работи во неготинската полициска станица.
Партијата МААК најостро го осуди инцидентот, оценувајќи го како грубо нарушување на демократските принципи и обид за замолчување на политичкиот неистомисленк.
Од МВР соопштија дека се преземаат мерки за расчистување на случајот.