Дамјан Костовски, бизнисмен од Гостивар нуди техничка помош за надминување на хаосот во Гостивар.
Сопарвеникот на градежната фирма Шеќерче ги отстапува неговите машини за санирање на состојбите.
,,Почитувани сограѓани, Гостиварци, Градоначалик и сите надлежни во државава !!!
Јас не можам да донирам вода, бидејќи и самиот ја немам.
Но затоа, моето семејство одлучи да помогне на поефикасен и покорисен начин – во решавањето на проблемот со водоснабдувањето на нашиот убав Гостивар со чиста и безбедна вода за пиење”, пишува Костовски.
,,Шеќерче” ги става на располагање своите градежни машини за 100 работни часа (7 работни дена), без надомест, за:
• ископ на пречистителна станица;
• ископ на канали за поставување нови водоводни цевки;
• или за други градежни работи поврзани со подобрување на водоснабдувањето.
,,Веруваме дека со конкретни дела, а не само со зборови, можеме да придонесеме за подобра иднина на нашиот град.
Гостивар заслужува чиста и квалитетна вода”, пишува Костовски.