„Денес, Република Македонија одбележува 123 години од Илинденското востание и 82 години од второто заседание на АСНОМ.
Оваа година на 8-ми септември ќе одбележиме и 35 години од нашата сувереност и независност.
Ова се нашите три светилници, три Илиндени, на нашата борба за сопствена држава“, вели поранешниот претседател на Македонија во илинденската честитка.
„Денес, сите македонски граѓани имаат причина за славење и гордост.
Прославувајќи го 2 Август, Денот на Републиката, имаме извонредна можност да им се поклониме и да им се заблагодариме на сите херои од сите периоди и историски премрежија на нашиот народ кои ги остварија идеалите за слобода, рамноправност и демократија.
Затоа, наше право и должност е да се грижиме за нашата Република Македонија, да ја градиме и да ја чуваме.
Иднината на нашата Република ја градиме со секој наш став во однос на секое прашање за Републиката.
Да си ја чуваме нашата Република Македонија, за да и таа не чува од бурите на денешницата. Бидејќи немаме ништо повредно од тоа.