Директорката на Институтот за јавно здравје, Марија Андоновска, денеска објави статус на социјалните мрежи на тема „лицемерие“, во кој говори за ситуации кога некој лекар покажал дека пиарот му е поважен од пациентот. Според фотографиите со кои е илустриран статусот, се чини дека „инспирацијата“ е лидерот на СДСМ, Венко Филипче.
„Лицемерието изгледа вака. Доаѓа еден час на клиника, со фотоапарат, се фотографира среде операција, и потоа на концерт на Харис Џиновиќ или на јахтата на Заев. И сè така. Хуманизацијата не е успешна затоа што народот знае и за кинеските вакцини, и за модуларната болница и за тендерите, и распаднатите и ограбени здравствени институции кои ги остави зад себе без ‘око да му трепне’. И што е најважно, не заборава!“, напиша на својот Фејсбук-профил директорката на ИЈЗ, Марија Андоновска.
