Активни се пожарите во Општина Кавадарци помеѓу селата Раец и Ќесендре, каде гори нискостеблеста шума и ниска вегетација, како и во Општина Прилеп на улицата Дебарска, на местото викано Теке (депонија). Другите три правци се изгаснати.
Од 06 часот утрово, пожарот во Општина Кавадарци се гасне со повеќе екипи кои интервенираат на два правца. Пожарот на потегот меѓу селата Дреново и Ќесендре го гасне со екипа на ЈП „Комуналец“ – Кавадарци составена од 1 цистерна, 1 скип и 2 вработени, екипа на МВР со 1 џип, 1 пинцгауер и 4 вработени, екипа на ЈПНШ – подружница „Бор“ Кавадарци со 1 камион, 1 џип и 4 вработени и екипа на ТППЕ Кавадарци со 2 пинцгауери, 1 „лада нива“ и 8 пожарникари.
Осомничено лице за пожарот во Кавадарци е пронајдено и е на распит (ВИДЕО)
Пожарот во реонот на селото Раец го гаснат екипи на ЈП „Комуналец“ – Кавадарци со 1 цистерна за вода, 1 скип и 2 вработени, екипа на ТППЕ Кавадарци со 1 противпожарно возило и 5 пожарникари; четворица пожарникари од ТППЕ Неготино со 1 џип и 4 вработени од МВР.