Македонија

Млади луѓе со години чекаат трансплантација на срце

Дарко и Васко бараат шанса за живот, која може да се роди во најтешкиот момент за едно семејство – со одлуката да донира органи и да спаси други животи. За десетиците пациенти кои чекаат трансплантација, органодарителството е единствената надеж.

2 минути за читање

Седум години животот на 33-годишниот Дарко Најдески од Охрид зависи од две механички пумпи, струја и батерии. Денес е хоспитализиран, неговото срце повеќе не може да издржи. Во 2019 година, кога во земјава сè уште не се вршеа трансплантации на срце, првата механичката циркулаторна поддршка, била единствената можност да му се спаси животот. Пумпите требало да бидат само мост до трансплантацијата, но седум години подоцна, Дарко сè уште чека ново срце.

  • „Состојбата е повеќе од итна. Доаѓа до попуштање на неговото природно срце, не на апаратите. Апаратите си ја вршат својата функција, меѓутоа неговото срце повеќе не може да издржи. Станува збор за комплицирана ситуација во којашто доаѓаат други компликации од долгото носење на ваквите помагала, коишто се само мост до трансплантација во нашиот случај. Токму затоа е потребна итна трансплантација на срце, од починат донор, со цел да може мојот сопруг да живее.“, изјави Ирена Ралева Најдеска-сопруга на пациент со механичка пумпа.

Истата судбина ја дели и 41-годишниот Васко Јолески од Струга. Повеќе од шест години живее со механичка поддршка. За овие пациенти, времето е најголемиот непријател – колку подолго трае чекањето, толку се поголеми ризиците и компликациите.

  • „Да се обидеме да направиме веќе еднаш трансплантација на лице со механичка циркулаторна поддршка, бидејќи премногу долго чекаме како лица со механичка циркулаторна поддршка. А последиците се знаат. Сите други органи почнуваат да затајуваат, односно да се разболуваат, откако пумпите ќе почнат да откажуваат. Ја користам оваа прилика уште еднаш да апелирам и до народот што повеќе да одлучува да донира органи кога ќе се најде во ситуација некој од нивните блиски да го изгуби животот и кога не може ништо друго да се направи.“, изјави Васко Јолески претседател на НЗ „Храбро срце“.

Дарко и Васко бараат шанса за живот, која може да се роди во најтешкиот момент за едно семејство – со одлуката да донира органи и да спаси други животи. За десетиците пациенти кои чекаат трансплантација, органодарителството е единствената надеж.

Поврзани теми:

апарати|кислород|актуелно|Македонија|трансплантација|живот|срце|зависност|Клиники

Повеќе на оваа тема:

Најнови вести од: Македонија

Почина 72-годишен скопјанец од западнонилска треска в болница

Седумдесет и двегодишен скопјанец почина по компликации од западнонилска треска, соопшти денеска директорот на Инфективната клиника во Скопје, Фадил Цана. Пациентот бил со тешка клиничка слика на менингоенцефалитис, а уште при приемот во болница бил во тешка општа состојба.

(Видео): Со синовите бевме на научнообразовна екскурзија во Белгија, рече премиерот за еднонеделното патување

„Јас не сум љубител на големи годишни одмори со солена вода, со песочни плажи итн. и си рековме – екскурзијата да ја прошириме и тоа да биде научнообразовна екскурзија во Белгија“, изјави премиерот Христијан Мицкоски.

Пронајдени вооружени луѓе во строго-заштитено подрачје на Пелистер

Ренџерската служба на Националниот парк „Пелистер“, во соработка со СВР Битола, спровела повеќечасовна акција за пронаоѓање лица вооружени со огнено оружје, кои навлегле длабоко во територијата на паркот.

Кисела вода добива сè повеќе првачиња

Градоначалничката на Кисела Вода, Бети Стаменкоска Трајкоска, рече дека изградбата на салата во Припор е реализација на долгогодишно барање на жителите. Таа нагласи дека проектот е реализиран во соработка со Владата и Министерството за образование.
Сите вести од Македонија

Најнови вести

To top