Холандски државјанин е првиот странец лишен од слобода на граничниот премин Табановце за безобѕирно управување моторно возило регистрирано со камерите на „Бебеден град“ на третиот ден откако профункционира наплатата на казните на границата со Србија за сообраќајни прекршоци направени од странски граѓани од 1 февруари наваму.
„Денеска (21.08.2026) во 13:15 часот, на граничниот премин Табановце, при излез од Македонија, полициски службеници извршиле проверка на патничко моторно возило ‘порше’, со холандски национални ознаки, управувано од М.А. (35), државјанин на Холандија.
При извршената проверка, преку системот ‘Safe City’ било констатирано дека лицето е евидентирано како сторител на кривично дело по член 297-А од Кривичниот законик – ‘безобѕирно управување со моторно возило’, односно управувало со возилото со брзина од 168 километри на час, на место каде максимално дозволената брзина изнесува 80 километри на час.
М.А. е лишен од слобода и против него ќе биде поднесена соодветна кривична пријава за стореното кривично дело“, соопшти Министерството за внатрешни работи.